Јас сум поубав од тебе- вели Роналдо, а Руни му одговори: Тешко му е да се справи со стареењето

Кристијано Роналдо во интервјуто кое му го даде на Пирс Морган го „закачи“ Вејн Руни, неговиот поранешен соиграч и легендарен англиски фудбалер.

„Не знам зошто Вејн Руни ме критикува толку често. Веројатно затоа што ја заврши кариерата, а јас се уште играм на врвно ниво. Исто така е точно дека изгледам подобро од него”, изјави 37-годишниот Португалец.

Сега дојде одговорот на Руни.

„Тој е фантастичен играч. Заедно со Меси, веројатно најголемиот досега. Тоа што го кажав за него не е критика. Сите старееме, а на Кристијано очигледно му е тешко да се справи со тоа. Даде интервју кое отиде глобално… Некои коментари се малку чудни и Јунајтед ќе се справи со тоа“, изјави Вејн Руни.

Роналдо и Руни беа соиграчи во Јунајтед пет години, заедно ја освоија Лигата на шампионите и трипати беа англиски шампиони.