Омилената туристичка атракција во Рим сега се плаќа – еве колку чини билетот

Фонтаната Треви веќе започна со наплата на влезници за туристи и нерезиденти, објавија надлежните служби.

За пристап до просторот околу фонтаната ќе биде потребен билет од две евра од понеделник до петок од 11:30 до 22:00 часот, а за време на викендите од 9:00 до 22:00 часот, со последен влез во 21:00 часот.

Според пресметката на градските власти, благодарение на оваа вест, буџетот на италијанската престолнина ќе биде пополнет за околу 6,5 милиони евра секоја година.

Бесплатен пристап е резервиран за жителите на Рим со презентирање на лична карта, како и за лицата со попреченост и нивните придружници, децата под шест години и туристичките водичи.

По 22 часот, пристапот до фонтаната ќе биде бесплатен за сите.

Мерката беше воведена по едногодишен пробен период кој привлече повеќе од 10 милиони посетители, со просек од околу 30.000 посети дневно и врв од 70.000.

Во исто време, од 3 февруари ќе се воведе влезница од пет евра за пет претходно бесплатни споменици и музеи. Имено, за да ја разгледаат вилата на Максентија, која датира од 4 век, туристите ќе треба да издвојат 5 евра, а билетот за музејот „Пјетро Каноник“ ќе чини исто толку. Истата цена ќе важи и за влезот во музејот на Барако, Наполеон и Карло Билоти.

Музеите и местата на Капитолината остануваат бесплатни за жителите и студентите од Рим и околните провинции.