Внимание ако патувате во Дубаи: Овие секојдневни вообичаени активности се строго забранети (ВИДЕО)

Иако Дубаи се перцепира како модерен и релативно либерален град, сепак постојат строги правила што и локалното население и туристите мора да ги почитуваат ако сакаат да избегнат казни, па дури и затвор.

Иако некои правила, како што се забраната за пиење на јавно место или обврската за скромно облекување, им се познати на повеќето, постојат и такви за кои многу помалку се зборува.

ТикТокерката Тетјана Скорина неодамна издвои пет такви, помалку познати забрани што би можеле скапо да ве чинат.

Преминување на улица и фотографирање без дозвола

Тетијана, која објавува на TikTok под корисничкото име @tetianaskoryna, предупреди дека навидум обичната навика на пешаците во Дубаи скапо се плаќа. Станува збор за преминување на улицата надвор од обележаниот пешачки премин, за што казната е околу 90 евра.

@tetianaskoryna Things you cannot do in public in Dubai #uae #dubai Destination Calabria - KAAZE

Перење автомобили и отстранување ѓубре

Друго правило што ги изненадува и оние што живеат во Дубаи и туристите е забраната за перење автомобили на јавни места. Таа обична домашна работа, објаснува Тетијана, се смета за прекршок и може да ве чини повеќе од 113 евра.

@tetianaskoryna #uae #dubai som original - Holanda

Фрлањето ѓубре на улица исто така не се толерира. За да се одржи градот беспрекорно чист, воведени се многу строги казни. Оние што ќе бидат фатени како фрлаат пластични шишиња, хартија или каков било отпад на улица, тротоар или во паркови, ќе мора да платат и повеќе од 115 евра.

Спиење на јавни места

На крајот, Тетијана предупреди за уште едно правило што им звучи необично на многумина - забраната за спиење на јавни места. Дури и ако сте исцрпени и сакате да направите кратка пауза во блискиот парк, на клупа или друга јавна површина, тоа не е добра идеја. Наместо тоа, советува аа, подобро е да си одите дома, во хотел или да се разбудите со кафе. Во спротивно, може да се соочите со казна од околу 70 евра.

Реакции на корисниците на социјалните мрежи

Нејзиното видео собра повеќе од 766 илјади прегледи и предизвика бројни коментари.

Еден корисник рече: „Можеби звучат претерано, но функционира - погледнете колку е чист и уреден градот, луѓето таму се почитуваат. Сега прошетајте низ вашиот локален град и кажете ми како е.“

Други изразија чудење, особено во врска со забраната за спиење на јавни места: „Не ви е дозволено да спиете на јавно место? Разбирам дека не е на улица, но што е со лежалка покрај базенот или на плажа?“

Трет корисник се осврна на сообраќајните навики во Дубаи: „Веројатно дури и не би сакале да ја преминете улицата надвор од пешачката зона - навистина има многу автомобили.“

Фото: Freepik.com
Извор: B92.net