Најновиот изум на технолошкиот гигант: „Невидливата“ тастатура на Samsung

SAMSUNG дизајнираше „невидлива“ тастатура која им овозможува на корисниците директно да пишуваат на работна површина или на која било рамна површина без да го држат телефонот. Тастатурата се потпира на вештачка интелигенција и уреди за селфи-фотоапарати, кои треба да ги препознаат поврзаните движења и да ги претворат во пишување на екранот.

Selfie Type е креиран на иницијатива на Samsung C-Lab одделот на компанијата и неодамна беше лансиран на CES 2020. Виртуелната тастатура не е нова, но претходните верзии, кои се достапни за пошироката јавност, работат со проектирање ласерски зраци на површината во форма на тастатура за корисниците да им биде полесно да пишуваат.

Selfie Type е различен затоа што ги анализира зглобовите, а не вашиот притисок на телото на површината. Овој вид тастатура не е најдобро решение за некој што не е добар во пишување, пренесува The Sun.

За среќа, апликацијата Selfie Type има туторијал што им објаснува на корисниците како се мапираат прстите кога се притиснува одредено копче. Ако користите традиционална тастатура секој ден, вашите прсти се веќе обучени и сè што треба да направите е да се навикнете на фактот дека нема вистинска тастатура пред вас.

Samsung објави видео во кое се гледа како виртуелната тастатура може да се користи на iPad и мобилни телефони. Овој проект е сè уште во рана фаза на развој, така што е малку веројатно дека ќе видиме мобилен телефон или таблет со оваа можност во скоро време.