Hisense телевизорите конечно ја добиваат најбараната апликација за стриминг

Чекањето заврши! Исполнета е една од најголемите желби на корисниците на сите Hisense телевизори - Max апликацијата за стриминг конечно пристигна на VIDAA платформата.

VIDAA, Smart TV платформата, во партнерство со Warner Bros. Discovery и Max услугата, на гледачите им овозможи пристап до богата библиотека на филмови, серии и документарни филмови од водечките продукции. Меѓу нив се HBO, Warner Bros. и Adult Swim, како и ID и DC Universe. Од 18 септември, Max е достапен на Hisense телевизорите во Македонија и секаде каде што е достапна Max услугата. Со интеграцијата Max и VIDAA, гледачите ќе уживаат во премиум содржина со интуитивен кориснички интерфејс. Апликацијата за стриминг Max е достапна на Hisense телевизори со верзија на VIDAA оперативниот систем U6 и U7.

Max, како водечка платформа за стриминг, ги нуди сериите на HBO House of the Dragon и The White Lotus, но и меѓу другите, филмовите на Warner Bros. Godzilla x Kong и Furiosa: A Mad Max Saga. Корисниците ексклузивно ќе ги гледаат сериите The Penguin (20 септември) и филмот Dune: Prophecy (ноември).

VIDAA е оперативен систем за паметни телевизори, кој на корисниците им нуди пристап до различни стриминг услуги, телевизиски канали во живо и апликации. Сè е достапно во единствена и лесна за употреба платформа. Ова партнерство ја крева домашната забава на сосема ново ниво, со пристап до најдобрата содржина директно од Hisense телевизорите.

„Возбудени сме што му посакуваме добредојде на Макс во семејството на VIDAA“, рече Гај Едри, извршен директор на VIDAA. „Нашата мисија е да им обезбедиме на корисниците најдобра забава, а доаѓањето на Макс е доказ за тоа. Сигурни сме дека корисниците ќе уживаат во сѐ што ќе донесе ова партнерство“.