47 години има очи само за неа: Велат дека поубав маж не чекорел по Земјата, а оскаровецот сака само една жена во текот на цела кариера
![](/media/main/2024/07/20240717114449.jpg)
Фото: epa images
Легендарниот Дензел Вашингтон, најголемата ѕвезда на филмот „Гладијатор 2“, со децении важи за еден од најпосакуваните луѓе на планетата, а и покрај додворувањата на многу светски убавици, тој никогаш не забележал никого освен неговата Полета
Познатиот актер Дензел Вашингтон оваа година ќе го прослави својот 70-ти роденден, а ако ги прашате дамите, тој и понатаму е еден од најпосакуваните мажи на светот.
Холивудскиот ветеран и добитник на два Оскари, за филмовите „Glory“ и „Training Day“, сега во својата биографија го додаде и долгоочекуваниот „Гладијатор 2“ во кој ќе го игра римскиот моќник Макрини.
Многумина се согласуваат дека Дензел Вашингтон е токму тајната состојка која ќе покани милиони во кината да го гледаат продолжението на култниот филм на Ридли Скот, а социјалните мрежи беа преплавени со неговите фотографии од снимањето на овој филм.
Откако зачекори во Холивуд, Вашингтон е еден од најпосакуваните актери во светот и ги ужива титулите „најсекси маж на светот“ и „најубавиот човек кој чекорел по Земјата“, но тој, на голема жалост на дамите, е зафатен долго време - од 1983-та година е во брак со актерката Полета Пирсон Вашингтон.
Љубовната приказна на Дензел Вашингтон и неговата сопруга
Двојката се запознала на снимањето на неговиот прв филм „Вилма“ (1977), но првпат не проговориле дури неколку месеци подоцна, на забава организирана од заеднички пријател. Тогаш Дензел зборуваше за претставата што планира да ја гледа, а кога отиде во театар - ја запозна Полета.
Потоа отишле на првиот состанок, кога таа го платила таксито бидејќи актерот сè уште не заработувал доволно, а денес често се сеќаваат на овој датум и зборуваат за тоа колку нивните животи се промениле од тие денови.
Како што еднаш призна Дензел Вашингтон, тој ја запросил три пати додека конечно не му рекла „да“ и се венчале на 25-ти јуни 1983-та година, по што добиле четири деца: Џон Дејвид, Катја и близнаците Оливија и Малколм.
Актерот денеска истакнува дека неговата сопруга е заслужна за стабилноста и задоволството од семејниот живот во кој ужива.
„Можете да купите куќа, но тоа нема да ја направи дом“, изјави тој еднаш за „People“.
- Не велам дека мажот не може да го направи домот дом, но мојата сопруга ни ја претвори куќата во дом, ги одгледа овие прекрасни деца, ги заштити и се жртвуваше за нив, таа ја заврши целата напорна работа.
Кога ја доби наградата за животно дело на Американскиот филмски институт во 2019-та година, Вашингтон рече дека „немаше да преживее“ без љубовта и поддршката на Полета.
– Не би бил жив без Полета Вашингтон – заклучи тој.
Како што еднаш објасни, тој е „благословен со најдобрата жена на светот, која не е само убава и прекрасна сопруга, туку и добра мајка на четири деца, која држи сè заедно“.
Не е ни чудо што никогаш не бил заинтересиран за некој друга...
Извор: glossy.rs