Дедо ѝ беше воен финансиски инспектор во Скопје: „Јас сум единствениот член на семејството кој не бил во затвор“

„Јас сум веројатно единствениот член од семејството Јововиќ кој не бил во затвор“, рече таа.

Мила Јововиќ (48) модел и актерка, а во 2004 година Форбс ја прогласи за најплатена манекенка во светот. Нејзиното вистинско име е Милица Богданова Јововиќ.

Рано детство и семејство

Мила Јововиќ е родена во семејство со богата историја. Нејзината мајка е руската актерка Галина Логинова Јововиќ, а татко и е докторот Богдан Јововиќ со српско потекло. Семејството од татковата страна потекнувало од Црна Гора, а поседувало имот во Косово и Метохија, во селото Злопек кај Пеќ. Интересно е што прадедото на актерката Богиќ Цамиќ Јововиќ бил банер од племето Васојевиќ и гардист на кралот Никола Први Петровиќ. Мила го добила името по неговата сопруга Милица.

Приказната е поврзана и со нејзиниот дедо Богдан Јововиќ, кој бил командант на воената област на Приштина, а подоцна и воен финансиски инспектор во Скопје и Сараево. За време на службата открил проневера на злато, поради што одбил да го обвини пријателот и завршил на Голи Оток. Успеал да побегне во Албанија, потоа во Советскиот Сојуз и на крајот во Киев. Сепак, постојат наводи дека тој е виновен за кражба.

Нејзината баба по мајка, Татјана Попова, била медицинска сестра која на 16-годишна возраст се нашла на првата линија на фронтот и до 18-годишна возраст марширала низ ужасите на Втората светска војна сè до Берлин. Сопругот на Татјана Попова, Александар Логинов, исто така беше борец во текот на целата војна.

Доаѓањето во Америка и предизвиците

Мила Јововиќ со семејството се преселила во Америка, каде наишла на тешкотии во раните години.

"Имав проблеми во прво одделение во Америка, моите соученици ме нарекуваа руски шпион. Децата знаат да бидат сурови. Тешко ми беше секако, но подоцна ги сфаќаш добрите страни на сето тоа", рекла Мила.

Нејзината манекенска кариера започнала на 18-годишна возраст, кога позирала за насловната страница на италијанскиот магазин „Lei“. Вратите на актерскиот свет се отворија со филмови како Ноќен воз до Катманду и Враќање во сината лагуна.

Холивудска кариера и пресвртница

Пресвртниот момент во нејзината кариера се случи во 1997 година со филмот „Петтиот елемент“, каде глумеше заедно со Брус Вилис, додека нејзиниот тогашен сопруг Лук Бесон го режираше. Пред бракот со Бесон, Мила беше во брак со актерот Шон Ендрјус.

Низ годините глумеше во многу филмови, а голем успех постигна со франшизата „Подмолно зло“. 

Покрај актерството, Мила се занимавала и со музика - објавила два албума и неколку синглови.

Семеен живот

Мила Јововиќ е во брак со режисерот Пол Андерсон. Двојката има три ќерки: Евер Андерсон (15), Дашиел Едан (7) и Ошин Ларк Елиот, родена во 2020 година.

Ќерката Евер веќе тргна по стапките на мајка си и се занимава со глума. Мила еднаш рече: „Не и е интересно да се занимава со медицина како што правеше татко ми. Таа сака глума и јас ја поддржувам“.

Врски со регионот

Мила е горда на своето потекло и често зборува за своето семејство.

„Мојот дедо од татко ми Богдан Јововиќ се бореше во редовите на партизаните. Потекнувам од долга низа борци, војници и револуционери. Горда сум на моето наследство“, напиша таа на Инстаграм.

Таткото Богдан Јововиќ дипломирал медицина во Украина. Во 1990-тите, обидувајќи се да започне бизнис, тој заврши во затвор, каде што помина пет години. Мила изјави дека се зближиле по раѓањето на нејзиното прво дете. „Ја наследив импулсивноста и бестрашноста од татко ми“, рече таа.

„Јас сум веројатно единствениот член од семејството Јововиќ што не бил во затвор“, додаде Мила и изрази желба да сними филм за Голи Оток со нејзиниот братучед Мирко, кој е режисер. „Тоа би било многу интересно за Американците. Фасцинирана сум од темата.

Семејни помирувања и емоции

Мила го опиша емотивниот момент кога нејзиното семејство се собра по раѓањето на нејзината прва ќерка Евер.

„Тогаш тие беа таму, ги оставија сите проблеми зад себе и прославивме нов живот. Татко ми беше нервозен, но следното утро насмевката не ја симна од неговото лице. Ми рече: „Ти си единствената Јововиќ која може да го собере целото семејство“, пишува Стил.

За неа се вели дека сепак најголемиот успех го достигна до сега во филмот „Јованка Орлеанка„ каде ѝ беше доделена главната улога и таа одигра маестрално.

Извор: Стил курир

Фото: Инстаграм