Денес му е роденден: Новак Ѓоковиќ, од воена сенка до врвот на светскиот тенис
Новак Ѓоковиќ е роден на 22 мај 1987 година во Белград, СФР Југославија (денешна Србија). Тој расте во семејство во кое спортот бил секојдневие – неговиот татко Срѓан бил скијач и спортски ентузијаст, а неговата мајка Дијана работела во угостителство.
Детството во сенка на војна
Неговото детство беше обележано со нестабилни времиња – економски кризи и НАТО бомбардирањата во 1999 година. Но, и покрај воените сирени и прекините на струја, Новак никогаш не се откажа од тенисот.
Се започна кога тој имаше само четири години, кога доби прв тениски рекет и се вљуби во спортот. На седум години бил забележан од тениската тренерка Јелена Генчиќ, која изјавила:
„Ова дете е злато. Тој е најталентираниот млад тенисер што сум го видела.“
Почетоци и напорен пат
На 12 години се преселува во Германија за да тренира во тениската академија на Никола Пилиќ, каде започнува интензивна и професионална подготовка. Животот далеку од семејството, со ограничени финансии, бил тежок – но неговата посветеност останала непоколеблива.
Ѓоковиќ дебитираше на професионалната сцена во 2003 година, а првата Грен слем титула ја освои во 2008 година на Australian Open.
Од шампион до икона
Новак Ѓоковиќ денес е:
-
Најтрофеен Грен слем шампион во историјата на машкиот тенис
-
Повеќекратен број 1 на ATP листата
-
Единствениот што ги има освоено сите Грен слемови најмалку по двапати
-
Амбасадор на Србија, филантроп и мотиватор
Со својата ментална сила, строга исхрана, и фокус на личен раст, Новак стана пример за младите генерации, не само во спортот туку и во животот.
