Европските кариби ја имаат најубавата плажа на светот: Кристално чисто, тиркизно море, бел песок, неверојатна природа - има сѐ
Плажата често ја нарекуваат „Карибите на Средоземното Море“, а неколку пати е прогласувана за најдобра во Италија, а често се наоѓа на врвот на европските, па и светските листи.
Плажата Ла Пелоса се наоѓа во северозападниот дел на Сардинија, во близина на рибарското село Стинтино, кое стана познато туристичко место токму поради ова ремек дело на природата. Од селото до плажата има пат од три и пол километри по кој можете да поминете со автомобил, велосипед, а има и редовна автобуска линија.
Плажата е многу живописна, па не е ни чудо што привлекува огромен број туристи, но оваа популарност скапо ја чини. Имено, низ децениите претрпе големи промени и ерозија, пред се поради големиот проток на луѓе.
На оваа плажа има кодекс на однесување!
Токму поради оваа причина, италијанските власти воведоа правила за сите оние кои сакаат да ја посетат плажата Ла Пелоса, а основното е што треба да го резервирате вашето пристигнување! Оваа плажа можат да ја посетат 1.500 туристи дневно во периодот од 1 јуни до 31 октомври и резервациите се прават однапред онлајн. Цената за возрасни е 3,50 евра, додека за деца до 12 години влезот е бесплатен. Задолжителна е употребата на душеци под крпите за да се зачува песокот, а душеци можете да најдете и на самата плажа. Исто така, пушењето, освен на одредени места, се забранува миење стапала и опрема за плажа.
Во лето се препорачува да подраните за плажа и да бидете таму веќе околу 8 часот наутро за да ја избегнете гужвата и барем малку да уживате во мирот и тишината и да го најдете најдоброто место за себе. Исто така, искусните туристи велат дека овде треба да внимавате на остри карпи и медузи.
Ова е мала плажа долга само 300 метри и не повеќе од 60 метри широка, свртена кон островот Пијана, кој е оддалечен само 600 метри од него. Се наоѓа во северозападниот дел на Сардинија, а бидејќи често е изложен на ветер, идеален е за практикување спортови на вода како што се сурфање на ветер, едрење, кајтинг...
На самата плажа има се што ви треба - неколку киосци со брза храна, грицки, пијалоци, а можете да изнајмите и лежалки, чадори, па дури и кајаци, SUP табли и педалинки.
FOTO: Instagram, Youtube printscreen