Наместо гледачи, на трибините мачки: Доха пред колапс за светскиот куп

Многу малку билети се распродадени, што се заканува дека ќе го постави Светскиот куп во атлетика пред празни трибини за прв пат

За големите атлетски натпреварувања од секогаш се барало билет повеќе, меѓутоа, во ситуацијата пред Светскиот куп во Доха, скептицизмот што владеел со години се чини дека е оправдан.

Локација која нема атлетска традиција, не ветува многу.

Публиката во Доха сè уште не е навикната на „кралицата на спортовите“, а тоа може да биде историски проблем, со малиот број продадени билети досега.

Стадионот Калиф има капацитет од 40.000 места и вкупно 50.000 билети се продадени за целиот 10-дневен натпревар.

За споредба, на последниот шампионат што се одржа во Лондон 2017 година, натпреварот го следеа во живо 700.000 луѓе.

Покрај проблемот со долгата жешка сезона, температурите можат да бидат проблем и за спортистите, особено за маратонските тркачи на улиците. Поради големата топлина, натпреварите ќе се одржуваат во текот на ноќта и на полноќ, додека некои дисциплини ќе се одвиваат дури и „длабоко“ по полноќ по локално време.

Последното натпреварување на програмата е ноќта помеѓу 30 септември и 1 октомври.