Научниците создадоа вештачка кожа: Чувствителна на температура и допир

фото: miapowterr/Pixabay.com

Научниците за прв пат создадоа вештачка кожа што може да реагира на температура и допир во исто време. 

Вештачката кожа, која може да се користи во медицината или во производството на хуманоидни роботи, е голем предизвик за научниците.

И покрај бројните обиди, досега не е направено ништо што наликува на природна кожа, со голем број рецептори кои можат да разликуваат стимули како што се температурата или допирот, и голем број на нивни варијации. 

Сепак, научниците од јужнокорејскиот ПОСТЕХ и американскиот универзитет Стенфорд, успеаја да создадат вештачка кожа што може да ги „почувствува“ и двете (температура и допир) истовремено, пишува „Сајсенс дејли“

Оваа вештачка кожа е опремена со електронски, јонски спроводници, од кои се произведуваат вештачки рецептори кои можат истовремено да ја мерат температурата и да препознаваат допир.

Благодарение на едноставната комбинација на електролити и електроди, оваа вештачка кожа може да има одлична комерцијална примена. Неговите креатори, Унјонг Јеонг од Корејка и Инсанг Ју од американски универзитет, изјавуваат дека може точно да ја измери температурата, но и да почувствува стискање, прободување, извртување, лесен допир.

„Кога вештачката кожа е допрена со прст, таа регистрира преку промена на температурата. Ако се притисне со прст, го препознава како допир. Слично е на механизмот што го има вистинската човечка кожа. „Нашата главна цел е да создадеме вештачка кожа што може да стимулира човечки рецептори и со тоа да им помогнеме на пациентите кои ја изгубиле чувствителноста на тактилите поради болеста“, рече Унјонг Јеонг.