Невидливиот стратешки бомбардер
Русија започна со конструирање на првиот стратешки бомбардер PAK DA, кој ќе биде направен со „невидливи“ (скришни) технологии во рамките на програмата „Напреден авијациски комплекс со долг дострел“.
Според руските медиуми, подготовката на проектната документација е завршена, а започнато е со испорака на делови на еден од погоните за производство на авиони во рамките на Обединетата авијациска корпорација.
Во моментов се конструира кабината на авионот, а бомбардерот треба да биде завршен оваа година, беше прецизирано.
Во декември 2019 година, заменик-министерот за одбрана на Русија, Алексеј Криворучко изјави дека дизајнот на новиот авион е завршен. Во февруари 2020 година, Криворушко истакна дека првиот мотор на авионите ќе биде тестиран оваа година.
Ветувачкиот систем на авиони со долг дострел (PAK DA, фабричка ознака - „производ 80“) е руски стратешки бомбардер- носач на ракети од новата генерација, за производство на кој е надлежна компанијата за производство на авиони „Туполев“. Проектот не е модернизација на постојните машини, туку комплетно нов.
