Никола Јокиќ го промени начинот на исхрана и стана неспоредливо поиздржлив: Ослабе 14 килограми за 42 дена и доби неверојатна сила

Никола Јокиќ претходно имаше проблем со вишокот килограми, но успеа да го реши за рекордно време. За да издржи големи напори, неговата исхрана треба да биде избалансирана и внимателно обмислена.

Никола Јокиќ, еден од најдобрите кошаркари на сите времиња, низ годините на неверојатен начин го трансформираше своето тело, а токму тоа му овозможи да стане еден од неприкосновените спортисти. Имено, од дебел стана незапирлива машина на кошаркарскиот терен!

Порано не се грижеше толку за тоа што ќе јаде и пие.

„О... Можеби не треба да кажам како се однесував порано. Само ќе кажам дека пиев скоро четири литри кока-кола дневно! Ја обожавав. Но, не сум испил ни капка во последнава година ипол“, изјави лани Јокиќ.

Сега неговото мени е сосема поинакво, а кога првпат пристигна во НБА имаше вишок килограми. Со помош на диететичари и фитнес тренери, тој успеа да ја промени исхраната и значително да ја намали телесната тежина, што резултираше со подобрување на кондицијата и брзината на теренот. Овие промени му овозможија да игра на високо ниво и да остане еден од најдобрите играчи во лигата.

Пристапот на Јокиќ кон исхраната покажува колку е важно да се балансира внесот на храна со барањата на спортовите на високо ниво, а неговата трансформација служи како инспирација за многумина во спортскиот свет.

Така, кошаркарот за 42 дена успеа да ослаби 14 килограми, а во тоа клучна улога имаше кондициониот тренер Стив Хес!

- Мислам дека слабеењето е една од најдобрите работи што сум ги направил во кариерата. Хес ми помогна да ја балансирам тежината, ми направи посебен режим на исхрана. Сега јадам шест до осум пати на ден, протеински шејкови, салати, пилешко, риба - рече Никола и додаде:

- Ама сето тоа се приготвува на здрав начин, со специфично масло кое... не знам... вкусови... знаете... Бљак! Ужасно е, но научив да се хранам здраво и сакам да продолжам да го правам тоа. Не јадам глупости, слатки, масни и лути. Малку е тешко бидејќи во пеколната сезона немате многу време да се храните здраво, бидејќи многу патуваме.

Урамнотежената исхрана му овозможува да биде максимално издржлив и посилен на теренот и претставува одлична основа за висококвалитетна игра.

На што најмногу внимава Јокиќ во исхраната?

1. Урамнотежен внес на протеини

Протеините се клучни за регенерација на мускулите, што е особено важно за спортистите како Јокиќ. Тој се потпира на квалитетни извори на протеини како што се пилешко, риба, јајца, а понекогаш и црвено месо.

2. Претпочита сложени јаглехидрати

Јокиќ се фокусира на потрошувачката на сложени јаглехидрати како леб од цело зрно, кафеав ориз, овесна каша и зеленчук, кои му ја обезбедуваат потребната енергија за долгорочни тренинзи и натпревари.

3. Многу овошје и зеленчук

Како дел од урамнотежена исхрана, Јокиќ јаде многу свежо овошје и зеленчук, кои му обезбедуваат витамини, минерали и антиоксиданси, кои се неопходни за закрепнување и општото здравје.

4. Контролиран внес на масти

Внимавацна внесот на здрави масти кои потекнуваат од маслиново масло, авокадо, јаткасти плодови и риба. Тие се важни за одржување на енергијата и здравјето на срцето.

5. Добра хидратација:

Никола сега најмногу троши обична вода и се грижи да внесува доволно количество течност за да остане хидриран, што е клучно за најдобри можни перформанси.

Фото: Youtube

Извор: стил.курир