Нов руски авион МУ ВЛЕВА СТРАВ НА ЗАПАДОТ: Мистериозниот U-71 стигнува до Лондон за 20 минути и Њујорк за 40 минути! (ВИДЕО)

Овој таен авион, познат како У-71, е дел од Проектот 4202 од руската ракетна програма.  Ќе може да стигне до Вашингтон од Русија за 45 до 50 минути, Њујорк за 40 минути и Лондон за 20 минути.

 Има многу малку информации за авионот и наводно може да развие брзина до 11.000 километри на час. Овој авион е исто така супер-мобилен и способен да лета до „границата со вселената“.

Тестовите на новиот авион сè уште продолжуваат, иако веќе се верува дека Русија ќе ја преземе нуклеарната предност во САД со помош на нов вид оружје до 2025 година.

„Трките со вооружување на крајот на минатиот век и дадоа можност на нашата земја да ги остави зад себе земјите на НАТО во однос на развојот на одбранбената индустрија и создавањето на четвртата генерација на оружје“, изјави рускиот вицепремиер Дмитриј Рогозин.

„Петтата генерација, да бидеме објективни, од неколку разбирливи причини поврзани со распадот на Советскиот Сојуз, беше заглавена на ниво на оддели за дизајн. Тековната задача на нашата одбранбена индустрија е да ја зајакне петтата генерација на оружје и да зачекори во иднината. Мора да работиме на шестата и седмата генерација. Веќе работиме на тој развој, и тој е многу успешен, морам да кажам. Тоа е целосно ново и понекогаш непредвидливо оружје “, рече официјалното лице.

Се претпоставува дека Рогозин зборувал за овој хиперсоничен авион што е способен да носи нуклеарни боеви глави.

Информациите за проектот протекоа дури во февруари 2015 година. Претставници на Пентагон признаа дека новото руско оружје ќе го уништи планот за систем за ракетен штит околу Русија, додека новото оружје може да ги направи САД апсолутно неодбранливи.

У-71 е хиперсоничен авион опремен со систем за електронско војување. Тој ќе може да ги оневозможи сите електронски станици за откривање на патот низ САД.

Од НАТО пристигнуваат информации дека 24 хиперсонични авиони најверојатно ќе бидат распоредени до 2025 година во еден од полковите во 13-та ракетна дивизија на регионот Оренбург. Од овој регион, У-71 ќе може да стигне до Вашингтон за 45-50 минути, Њујорк за 40 и Лондон за 20 минути. Значи, ќе биде невозможно да се открие или пресретне.

Не е тајна дека Русија развива и хиперсонични крстосувачки ракети кои можат да достигнат цели на мала висина. Значи, практично ќе биде невозможно системите за ракетна одбрана да ги срушат, бидејќи ракетите се всушност аеродинамички цели. Нивното пресретнување е можно само во опсег од 700-800 метри во секунда. Во моментов, НАТО нема такви ракети.

Соединетите држави и Кина развиваат и свои авиони слични на руските У-71. Кинескиот развој е познат како Ву-14. Достигнувањата на американските инженери се многу поограничени.

Пред неколку години, хиперсоничниот дрон Falcon HTV-2 изгуби контрола во текот на 10-тата минута од летот и се сруши.