Технологија // Технологија

Од каде ковид сертификат на Хитлер? Хакери во Холандија ја ставија владата во неволја! Во тек е голема истрага, еве за колку продаваат QR кодови!

  • 02 Ноември, 2021

Холандското Министерство за јавно здравје истражува важечки QR код за пристап до сертификат за вакцинација против коронавирус издаден на име на Адолф Хитлер

Непознат хакер го создал овој QR код како доказ дека може да прави валидни пропусници под кое било име, пренесува холандскиот RTL Nieuws.

Анонимните хакери за овој портал потврдија дека можат да креираат QR кодови од Франција и Полска, кои можат да се користат и во Холандија бидејќи се европски кодови.


Холандското Министерство за здравство се обидува да открие како точно настанал овој QR код. Можни се различни сценарија, вклучително и одговорното лице да работи за здравствената служба во Полска или Франција.

Сепак, според RTL, Министерството најмногу го загрижува фактот што се украдени тајните кодови на францускиот и полскиот QR систем. Ако тоа се покаже дека е точно, сите QR-кодови во тие земји ќе треба да се реиздадат.


Нема докази дека се украдени холандски тајни кодови, пишува овој портал.


RTL контактирал со лицето кое го направило QR-кодот на Хитлер преку форум каде што ги нудат своите услуги. За RTL изјавиле дека можат да креираат QR код за кое било име, а таа услуга чини 300 евра. Тие исто така рекоа дека можат да прават QR кодови само од Полска и Франција.


Фото и Видео: Твитер

Можеби ќе ве интересира