Овој необичен велосипед ви овозможува истовремено да возите и да џогирате (ВИДЕО)

Ова уникатно превозно средство се вика Лопифит, електричен велосипед кој истовремено е и трака за трчање. Потекнува од земјата на велосипедите - Холандија.

За оние што го возат, Лопифит им дозволува да поминат подолги растојанија за пократко време отколку одење, но истовремено имаат и интензивен кардио тренинг надвор.

Неговите креатори тврдат дека овој необичен велосипед е погоден и за оние кои не сакаат да возат велосипеди или некои физички ограничувања не го дозволуваат тоа.

Лопифит дозволува движење со темпо на одење од околу 5 км на час, но исто така и движење со брзина од околу 30 км на час.

Тој е опремен со робусна литиумска батерија на Самсунг и електричен мотор Бафанг, а со едно полнење на батеријата може да помине и до 80 километри. Ова, се разбира, зависи од временските услови, односно сегашните услови за работа, тежината на корисникот и теренот на кој вози.

Се движи многу лесно. Со притискање на копчето „Автоматски“ лентата започнува и корисникот може да започне „џогирање“.

Лопифит има 5 брзини, кои можат да бидат избрани по дискреција на велосипедистот. Тој е опремен со LED светла и решетка за багаж и е достапен во повеќе бои.

Овој необичен велосипед ви овозможува да возите и да џогирате