Пеперутка зграда: Нов начин на живот во ултра- луксузен стан

Сместена во крајбрежното предградие на Вулигамени во Атина, оваа прекрасна зграда на архитектонското студио 314 има прекрасен облик на пеперутка

Низа органски криви го сочинуваат овој уникатен станбен комплекс, кој се состои од четири независни единици, од кои секоја има свој подрум и покрив. Дизајнот на архитектонското студио е инспириран од обликот на пеперутка чии крилја се шират нанадвор, од централните делови на становите, кон градините. Формите на крилјата создаваат пријатна сенка на приземјето, истовремено оставајќи отворени тераси на највисоките катови, каде што станарите можат да уживаат во непречен поглед на морето.

Покрај тоа, крилјата се свиткани за да се обезбеди приватност. Во „пеперутка“, транспарентноста се користи како елемент за поврзување помеѓу надворешноста и внатрешноста. U-стаклото е широко користено, заменувајќи ги или камуфлирајќи ги цврстите sидови за да се овозможи максимално продирање на природната светлина што се провлекува во внатрешноста. 

Во исто време, овој вид стакло служи како филтер за изобличување, прикривајќи го движењето на станарите, додавајќи приватност и придонесувајќи за целокупната атмосфера на станот. Контрастни материјали се користат за подобрување на интеракцијата на жителите со структурата. Особено, сјајот на стаклото У е поврзан со мат ефект на бел цементен штуко избран за sидови, под и таван.

Покрај тоа, карпите поставени околу имотот додаваат земјен елемент во составот, а поголемите ги кријат структурните елементи и ги чуваат стаклените плочи, оставајќи ги на повидок само естетски неопходните работи. 

Околниот пејзаж е дизајниран да ја надополни композицијата, а вештачките езера ја рефлектираат органската форма на пеперутки, стаклени површини и вегетација, а истовремено создаваат чувство на изолација и мир.

Пловечките патеки преминуваат преку езера и растенија за да ги поврзат балконите на приземјето, со што се нуди алтернативна патека, поблиску до природата.