„Поубав сум од него“: Кристијано Роналдо на критиките на познатиот колега одговори како навредено дете

Откако славниот фудбалер го коментираше неговото однесување, Роналдо имаше подготвен и многу незрел одговор

Португалскиот фудбалер Кристијано Роналдо тешко се справува со ситуацијата во која моментално се наоѓа неговата кариера. Откако изрази желба да го напушти Манчестер Јунајтед, ниту еден од врвните европски клубови не беше заинтересиран за него, па Роналдо остана во Англија.

Оттогаш постојано има лоша комуникација со стручниот штаб и не може да го сокрие незадоволството, а сега даде бомбастично интервју во кое зборуваше за своите маки.

Меѓу другото, тој истакна дека нема почит кон Ерик Тен Хаг, новиот менаџер на Манчестер Јунајтед, бидејќи самиот Холанѓанец не го почитува.

Сепак, денес најмногу се зборува за тоа како Роналдо го коментирал својот поранешен пријател и колега Вејн Руни со кој своевремено играше за споменатиот клуб.

Имено, Руни неодамна истакна дека однесувањето на Роналдо е „неприфатливо“ и го обвини дека му го „одвлекува вниманието“ на Манчестер, на што сега реагираше Португалецот кој рече:

- Не знам зошто ме критикува така... Веројатно затоа што ја заврши кариерата, а јас и понатаму играм на врвно ниво - изјави Роналдо во разговор со Пирс Морган. 

- Нема да кажам дека сум поубав од него. Што е точно... Ова не е прв пат Руни да го коментира Кристијано Роналдо, а во текот на летото го повика својот поранешен клуб да го пушти фудбалерот да си замине ако сака.

„Да се ​​биде поубав од Руни не е голема работа, мојот пријател кој има 80 години е поубав од Руни“, „Роналдо не поднесува критики“, „Каква незрела реакција“, „Руни е подобар фудбалер од Роналдо што некогаш ќе биде “, се дел од коментарите на оваа вест.