„РАЈ НА ЗЕМЈАТА“ ОД 8 МИЛИЈАРДИ ЕВРА ВО АТИНА
Грција го гради најголемиот и најзелен паметен „град“ во Европа во проект вреден 8 милијарди евра.
Станува збор за градот Елиникон, амбициозен проект на Ламда Девелопмент лоциран на местото на поранешниот аеродром во Атина, кој ќе го вклучи првиот грчки облакодер, врвен трговски центар и спортски парк. Директорите на Lamda Development нагласуваат дека градат „рај на земјата“ што ги комбинира живописните погледи на крајбрежјето со технолошки напредната и еколошка инфраструктура. Тие проценуваат дека првата фаза од проектот ќе биде завршена до 2026 година.
Истовремено изразија оптимизам дека ќе привлечат милион нови туристи и ќе ја зајакнат грчката економија за 3,3 милијарди евра. Елиникон е еден од многуте нови високотехнолошки градови што се градат низ целиот свет, иако другите обично се лоцирани во Кина или на Блискиот Исток, а не во Европа.
Паметниот град го доби своето име по напуштениот меѓународен аеродром лоциран на околу 5 километри јужно од Атина, кој беше затворен во 2001 година. Неговата изградба првично требаше да започне во 2008 година, но беше значително одложена поради светската финансиска криза што ја доведе грчката економија во на работ на пропаст. Работата на проектот, кој дизајнерите го опишуваат како најголемиот проект за урбана регенерација во Европа, конечно започна во јули 2020 година. Основачите го фалат спектакуларниот поглед на Егејското Море и му дадоа приоритет на обновата на брегот долг три километри.
Вили со високи стандарди
Минатата година започна изградбата на Cove Residences, комплекс од луксузни вили. Ламда девелопмент, прогласена за една од 100-те највлијателни компании на магазинот Тајм, вели дека веќе продала 350 имоти на брегот и неодамна ги откри плановите да започне со работа на друга област наречена Мала Атина, која ќе има уште 1.115 резиденции. Идејата за создавање метрополитен парк на местото на напуштен аеродром се работи од 2005 година.
Првиот облакодер во Грција - Ривиера Тауер
Кулата Ривиера, која е во изградба, ќе има 180 станови на 50 ката. Дизајниран од Foster + Partners, ќе има колекција од резиденции и пентхаус со една до пет спални соби, нудејќи им на жителите спектакуларни погледи, како и лесен пристап до плажата и пристаништето. Со висина од приближно 200 метри, тоа ќе биде највисоката зграда во Грција и првиот облакодер кога ќе биде завршен.
Отворен во 2022 година, Центарот за искуство на паметен град е сместен во еден од оригиналните хангари на напуштениот аеродром и има за цел да ја прикаже историјата на просторот и некои еколошки технологии за кои основачите на просторот веруваат дека ќе бидат централни за градовите во иднината.
Ривиера Галерија
Елиникон ќе има и ултра луксузна шопинг зона. Ламда даде приоритет на изградбата на Riviera Galleria, висококвалитетен трговски центар што ќе биде во непосредна близина на кулата Ривиера. Оваа област ќе биде дом на 70 водечки модни компании. Riviera Galleria дизајнирана од Кенго Кума ќе понуди луксузен животен стил опкружен со софистицирана архитектура. Комерцијалниот центар ќе се состои од најголемиот трговски центар во Грција, малопродажен парк од новата генерација со продавници, како и најсовремен деловен простор.
