Турција: Грабежи и линчови во Хатај по земјотресот? Ги тепаат до смрт

Во турскиот Хатај погоден од земјотресот, тагата се претвора во страв и гнев. На интернет се шират видеа од наводни грабежи и насилство врз наводните разбојници. Каква е безбедносната состојба во подрачјата погодени од земјотресот?

Четворица мажи лежат на земја. Двајца полицајци брутално ги тепале со палки и примитивно ги навредуваат. „Луѓето лежат под урнатините, а вие гадови крадете тестенини? Ви посакавме добредојде во нашата земја, а вие што правите? Крадете?“ Еден полицаец им прска со бибер во лицата на беспомошните мажи. Друг вика од позадина: „Скршете им ги рацете што крадат“.

Се повеќе вакви снимки се појавуваат на социјалните мрежи. Турската организација за човекови права ИХД досега има регистрирано помалку од десет случаи на насилство. Но, речиси сите доаѓаат од Хатај.

Во најјужната провинција Турција земјотресот уништи многу. Новинарите на ДВ од местото на настанот известуваат за незамисливите размери на уништувањето. Градот изгледа како да е сцена на воени конфликти со години. Оние кои можат да го напуштат градот. Многумина, чии членови на семејството се под урнатините, чекаат помош, надевајќи се дека некој од нивните семејства сепак преживеал.

Според турската служба за заштита од катастрофи АФАД, повеќе од 12.000 тешки машини работат во целата област погодена од земјотресот, отстранувајќи ги урнатините. Шатори погодни за зима, греалки, генератори за струја, вода, храна и лекови се уште се многу потребни. Искршените водоводни цевки и недостатокот на тоалети го отежнуваат сложеното секојдневие на преживеаните и помагачите. На некои места се мешаат мириси на искршени канализациони цевки и мртви човечки тела, велат жителите.

Во таа ситуација, десничарските популисти и националисти шират омраза, пред се кон бегалците и дискриминираните малцинства. „Сириец ограбил супермаркет, а украл и кондоми“, се тврди.

Турција не е способна ниту да се грижи за своите граѓани. Пуштете ги бегалците, пишуваат корисниците на социјалните мрежи. Тагата се претвора во гнев и очај. И се почесто невините се сметаат за разбојници.

„Бевме тепани во темна улица“

Во едно видео двајца мажи од Хатај зборуваат за тоа како биле тепани од полицијата. „Се враќавме дома од аптека“, раскажува постариот. „Не застана полиција. Имавме лекови за родителите во раце. Мислеа дека сме разбојници и не претепаа. На крајот само си заминаа ние лежиме на улица“. Околу десното око имам модринка. „Ве молиме отстранете ги сите видеа што нè прикажуваат како разбојници. Ние не сме разбојници“, им се моли тој на корисниците на социјалните мрежи.

И пет млади Курди од Дијарбакир наводно доживеале нешто слично. Активистите за човекови права велат дека младите Курди отишле во областа погодена од земјотресот како хуманитарни работници. Пред да заминат побарале и добиле дозвола од градските власти. А сепак, по операцијата за прва помош во провинцијата Адијаман, тие се приведени во полиција. Таму ги претепале, а потоа ги оставиле голи во друг град.

Линчување бегалци

На видеото на Твитер, тројца мажи, наводно бегалци, се гледаат како неподвижни лежат на улица покрај бел автомобил. „Разбојниците го добија заслуженото“, се слуша од позадина. Очите на мртов човек, со крв на лицето, неподвижно гледаат кон небото. Видеото е отстрането од Твитер дури во понеделникот вечерта.

Турското здружение за човекови права ИХД нагласува дека тортурата е злосторство против човештвото и дека нема застареност. Здружението ги повикува турските власти веднаш да ги идентификуваат сторителите и да побараат одговорност. Власта мора јасно и недвосмислено да каже дека насилството нема да помине неказнето и дека тортурата и преземањето на правдата во свои раце е забрането, велат од здружението.