УШТЕ ЕДНА КОШАРКАРСКА ТРАГЕДИЈА: Загина МАКЕДОНСКАТА ЛЕГЕНДА

Легендите си одат, но остануваат...

 Во сообраќајна несреќа, загина македонската кошаркарска легенда, Благоја Георгиевски – Буштур.

Според неофицијални информации, сообраќајната несреќа се случила во скопската населба Кисела Вода, поточно кај сервисот „Скендеровски“. 

 Возејќи изгубил контрола над возилото, најверојатно заради дождливиот коловоз, но и неприлагодената брзина. Излетал од патот и удрил во бетонските блокови поставени покрај булеварот. 

Полицијата го истражува случајот и во текот на денот се очекуваат повеќе информации.

Буштур беше еден од најпопуларните македонски кошаркари во историјата. Најголемите успеси ги оствари во дресот на Работнички.

Почина на 69 години. Работеше и како селектор на Македонија и тренер на  МЗТ Скопје, како и претседател на стручниот совет на МКФ.