Зошто фудбалерите на Светското првенство носат чудни црни маски на теренот?

фото:printscreen/business today

Неколку играчи, меѓу кои и Сон Хеунг-мин, Јошко Гвардиол и Елис Схири, се забележани како носат необични маски за лице за време на натпреварите на Мундијалот во Катар.

Тие покренаа споредби со Ханибал Лектор, но чудните маски за лице што ги носат фудбалерите на терените на Светското првенство во Катар не се ни модни изразувања, туку заштитни уреди со висока технологија.

Маските се направени од материјали како поликарбонат и ги штитат спортистите кои се здобиле со повреди на лицето, осигурувајќи дека можат да играат без да ризикуваат дополнително оштетување. Некои се 3Д печатени за точно да одговараат на контурите на лицето на секој спортист.

Златното момче на хрватскиот фудбал, Јошко Гвардиол (20) носеше карактеристична црна маска за време на минатонеделната пресметка во групата Ф против Мароко и повторно во неделата против Канада. 

Гвардиол по сударот со соиграчот Вили Орбан на натпревар претходно овој месец, се здобил со полесни повреди на лицето и очите (снимки подоцна покажаа дека го скршил носот) и затоа решил да ја носи маската за да се заштити од понатамошни повреди.

Сличен судир на терен го остави Јужнокорејецот Сон Хеунг-мин (30) со скршеница на окото за време на победата во Лигата на шампионите на 1 ноември. Ѕвездата на Тотенхем се судри со рамото на дефанзивецот на Марсеј, Шансел Мбемба, што предизвика негово итно заминување од теренот.

Сон сега носи црна маска од јаглеродни влакна, која ја опиша како „поудобна отколку што мислев. Направена е од добар материјал. Лесена е, тврда кога се носи на лицето и е од материјал кој може да заштити од удар. Бев изненаден што беше значително полесна отколку што мислев“.

Иранскиот голман Алиреза Бејранванд (30), исто така се „маскира“ откако заработи повреда на лицето против Англија.

Бејранванд драматично се судри со главите со соиграчот Маџид Хосеини во нивниот пораз од 6-2.

Елиес Схири (27) од Тунис носеше маска кога се соочи со Данска и Австралија во судирите од групата Д. Играчот од средниот ред на ФК Келн има скршеница на јаболчницата по повредата на крајот на октомври.