Зошто мажите сакаат скапи и брендирани нешта? Сѐ е до мозокот
Научниците открија зошто мажите обожаваат брендирани или скапи предмети, а тоа е поврзано со нивниот емотивен статус!
Мажите ќе изберат луксузен, скап производ, без оглед на неговиот квалитет, затоа што тоа го поттикнува тестостеронот, откриле научниците.
Студијата на Универзитетот во Пенсилванија опфати 240 мажи на возраст меѓу 18 и 55 години, поделени во две групи. Првата група добила мала доза на тестостерон во форма на гел нанесен на кожата, додека втората група исто така го мачкала гелот, ама без тестостерон.
На учесниците од двете групи им биле прикажани фотографии со исти предмети од различни производители, на пример, часовници „Ролекс“, костум „Армани“ или шампањ „Дом Перињон“ и поевтини верзии на истиот производ од некој не толку познат производител.
Мажите кои добиле доза на тестостерон во гел се определиле за поскапи артикли од познат производител, што значи дека овој хормон исто така влијае на изборот на брендот при купување.
Тие го оцениле својот интерес за производот на скала од еден до десет, а интересно, тие биле дури и повеќе приврзани кон „фенси“ производот ако тоа беше придружено со рекламна порака што ќе му „вети“ на купувачот стекнување на моќ или престиж.
Тоа значи дека мажите мислат дека поскапиот, попознат бренд претставува моќ и статус, што ќе ги подобри нивните шанси да најдат партнерка.
Ова е прва студија која директно покажа дека тестостеронот игра улога во изборот на навидум тривијални работи, како што е одлуката за „шопинг“.
