12 години страдала за синот Никола мислејќи дека е мртов, сопругот починал од тага: И тогаш заѕвонел телефонот и слушнала – „Мамо“

Џојс Кертис со својата приказна расплака многу луѓе, по 12 години откри што се случило со нејзиниот син за кој мислела дека е мртов.

Џојс Кертис од Шкотска верувала дека нејзиниот син Николас починал затоа што не го видела или слушнала од 2010 година. Последното нешто што знаела за него е информацијата дека тој патувал со автостоп во Франција и Шпанија, додека за време на пандемијата се плашела дека се разболел и го загубил животот, пишува Daily Mail.

Таа веќе одамна го „тагувала“ кога на 19 декември 2022 година добила телефонски повик во кој и било кажано дека е жив и е во болница на југот на Франција. Прво одговорила медицинската сестра, а потоа и проговорил синот.

„Не можев да верувам. Мислев дека е мртов поради Ковид и се што се случува. Тагував по него. Кога ми се јавија да кажат дека е жив, бев во шок. Сè што можев да направам е да плачам цел ден. Тоа ми го направи Божиќ подобар, особено откако мојот сопруг почина во јуни“, рече таа во видеото објавено на Фејсбук.

Агонијата на семејството започна во средината на 2000-тите кога Никола го напуштил родниот град Глазгов да патувал низ Европа, откако ја загубил работата како столар.

Наскоро го губи контактот со семејството, а Џојс верува дека поминал некое време живеејќи на улиците на Париз.

Таа решила да го пријави како исчезнат во 2009 година бидејќи долго време немала слушнато за него.

Една година подоцна, Џојс ја контактирал британскиот конзулат во Париз за да ја извести дека Никола е примен во болница во Франција. Таа веднаш долетала да го посети со сопругот, но тоа бил последен пат да го виде во таа деценија.

„Во 2010 година добив писмо дека Никола е во болница во Франција. Дотогаш тој веќе некое време го немаше. Веќе го пријавив како исчезнат овде во Глазгов претходната година, откако со години не се слушнав со него. Јас и мојот сопруг отидовме да го посетиме и ми беше многу убаво да го видам. Го донесовме дома, но поради некоја причина, не знам зошто, сам повторно исчезна“, изјави Џојс за медиумите.

Во болницата ѝ било кажано дека Никола ќе биде испратен дома кога ќе закрепне, а таа нетрпеливо го чекала.

„Кога бев на гости кај него во Франција, му купив чевли и други работи за да има облека за патување. По враќањето го чекав, но тој никогаш не дојде. Се сеќавам дека тој ден врнеше. Се јавив на сите аеродроми да видам дали се качил на летот, но не добив никакви информации. Никогаш повеќе не слушнавме ништо“, објаснила мајката.

Џојс потоа ја добила шокантната вест дека нејзиниот син е жив 12 години подоцна, кога британскиот конзулат ја контактирал по втор пат, повторно ѝ кажал дека нејзиниот син бил примен во француска болница.

„Разговарав со него по телефон. Звучеше добро. Го прашав: „Дали си доаѓаш дома Ники?, а тој ми рече: „Да“. Не можам ни да замислам низ што се  поминал. Само сакав да го донесам дома“, рече таа на крајот и отиде да го земе синот во Франција за да биде сигурна дека ќе дојде дома.