32 години помладата Ружица го зароби срцето на Бебек: Поради неа правеше сѐ што се мора за една таква убавица
Бебек еднаш рече дека поминал 400 километри само за да ја види
Пејачот Жељко Бебек ја најде среќата покрај 32 години помладата Ружица. Имено, ова е трет брак на пејачот, а тој никогаш не криел дека третата посета на матичарот му донела среќа бидејќи денес крај неговата сопруга е целосно исполнет и среќен.
- Не постои посебна тајна за успешен брак, или случајно ќе ја запознаете вистинската личност или не. Имав среќа да ја сретнам на време и ние сме сродни духови. Тоа ни осигура дека сме заедно на семејното и животното патување, дека уживаме во истите работи. Секогаш се трудиме да се цениме и да ја почитуваме врската. Тоа е она што е најважно и што е убаво во една врска, макар тоа било и на дневна основа – изјави претходно Бебек, кој во неколку претходни интервјуа истакна дека се заљубил во Ружица на прв поглед и дека уште тогаш знаел дека таа била жената за него цело време.
Бебек еднаш рече дека поминал 400 километри само за да ја види.
- Со влегувањето во мојот живот таа целосно промени сѐ. Без разлика што таа беше млада и сè уште немаше завршено факултет, или јас, кој тогаш бев искусен волк во кариерата на рокенролот, беше јасно дека доволно омекнав за да почнам да гледам животот поинаку – изјави Бебек за „In Magazin“.
- Бев многу млада, имав само 18 години кога се запознавме и низ некое заедничко дружење сфативме дека си одговараме еден на друг. Тоа беше време кога немаше мобилни телефони, кога се слушавме на телефон, кога ми се јавуваше дома или кога ми праќаше разгледница од пат, тоа беа долги телефонски разговори и по некое време сфативме дека е убаво така - истакна Ружица.
Извор: espreso.rs
