„Антички“ патики продадени за повеќе од 400 илјади долари

Еден од првите парови на спортски обувки што некогаш ги произвел Најк беше продаден вчера за 437.500 долари на онлајн аукција на Sotheby што претставува сума со историски преседан за патики.

Таканаречената "месечеви чевли" на мултинационалната компанија за спортска опрема беше наменета за членовите на американскиот тим кои учествуваа на Олимписките игри во 1972 година. Парот продаден вчера е единствениот меѓу 12-те примероци за кои се знае дека некогаш биле произведени во првата серија и се очекуваше дека ќе бидат продадени помеѓу 110.000 и 160.000 долари.

Купувачот е канадскиот бизнисмен Мајлс Нантал (61), кој ќе го изложи парот на „антички“ патики во неговиот приватен музеј во Торонто, според соопштението објавено од Sotheby..

Претходниот рекорд за еден пар спортски обувки беше соборен во 2017 година кога Converse Fastbreak од Мајкл Џордан на финалето на Олимписките игри во Лос Анџелес во 1984 година беа продадени за 190.373 долари на аукција организирана од SCP.