БОЛНА ОМРАЗА! Откриено е колку ужасни пораки добил Новак Ѓоковиќ за само 10 дена
Само во периодот од 4 до 10 јануари 2022 година, Србинот добил дополнителни 7.354 пораки на омраза преку Твитер
Најдобриот светски тенисер Новак Ѓоковиќ мина низ вистински пекол во Австралија. Таму пристигна на 5 јануари, од каде беше протеран 11 дена подоцна.
Иако тој најпрво докажа на локалниот суд дека укинувањето на визите на аеродромот во Мелбурн е неправедно, тој беше протеран од земјата затоа што министерот за имиграција Алекс Хок го искористи правото што му го дава тамошниот закон за да му одбие виза на некого во секое време, што тој и тоа го направи со изјавата дека Новак е „опасност за здравјето и редот во Австралија“.
Тој можеше да ја види целата фарса во хотелот за имигранти каде што беше и да ги гледа протестите за поддршка што му ја дадоа неговите обожаватели, особено иселениците од Србија, и да го гледа во живо судењето во кое беше „ослободен“, а потоа нов шок - решение на министерот, потврда на неговата одлука во Сојузниот суд, исклучување...
Но, она што јавноста не можеше да го види е бројот на грозоморни пораки што Новак ги доби во тој период.
Агенцијата „Pickswise“ откри колку заканувачки, вознемирувачки или вулгарни пораки тенисерите добиле на Твитер во 2021 година, а потоа објави „додаток“ поврзан со Новак.
Официјално, во 2021 година на споменатата социјална мрежа најмногу навреди доби Наоми Осака, поради ставовите за важноста на менталното здравје, но и проблемите низ кои поминала од овие причини, 32.415 пати добила несоодветна порака.
На второ место е Серена Вилијамс, со 18.118 вакви пораки, иако беше надвор од конкуренција во поголемиот дел од сезоната, а на третото место со 11.732 се најде Енди Мареј. А, по четвртопласираната Симона Халеп (10.094), Новак Ѓоковиќ се најде на петтата позиција со 8.439 вознемирувачки пораки на оваа чудна листа.
Споменатата агенција го додава следното: „Само во периодот од 4 до 10 јануари 2022 година Србинот преку Твитер добил дополнителни 7.354 пораки на омраза“.
Воедно, драмата во Австралија заврши дури на 16 јануари, односно нема сомнеж дека до тој датум, а и после тоа, Ѓоковиќ уште повеќе беше мета на навреди од оние кои не се согласуваат со неговиот став за вакцинацијата по слободен избор.
извор:alo.rs
