Член на екипажот заборавил да ја затвори вратата и ја потонал јахтата вредна 19 милиони евра- Се појави видео

Јахтата, која чини околу 213.000 евра неделно за изнајмување, одеднаш почна да тоне веднаш до брегот на Кефалонија во Грција, во заливот Палеокарава. На бродот за миг настана хаос

Петмина богаташи уживале во Грција на 46-метарската луксузна јахта „Етос“, кога одеднаш почнала да тоне. Причината е бизарна. Еден член на екипажот случајно оставил отворена врата од страната на бродот, пренесува The Sun.

Страшниот момент кога водата почнала да се таложи во јахтата е снимен и на камера. Во еден миг на бродот владее хаос.

Грчките медиуми јавуваат дека дошло до силен дотек на вода откако еден од членовите на екипажот ја оставил споредната врата отворена. Поради влошувањето на времето веднаш ги затвориле сите врати на бродот за да избегнат евентуална катастрофа, но едната по грешка ја оставиле отворена. Силни бранови удриле во јахтата која едвај пловела.

Некои извори наведуваат дека бродот намерно се приближил до брегот и се насукал за да не потоне на отворено море.

Така, пет богати туристи, заедно со пет членови на екипажот, биле принудени да ја напуштат јахтата за само неколку минути, бидејќи морето почнало да ја поплавува долната палуба. Јахтата се обидуваа да ја спасат со помош на крајбрежната стража, а на помош дошле и нуркачи кои го прегледувале пловилото.

Прекрасната италијанска јахта за прв пат исплови во 2014 година и може да прими до 12 гости и девет членови на екипажот. На бродот има 12 кревети, од кои еден е во големиот мастер апартман и уште два во ВИП кабини. Исто така, има сауна, теретана, па дури и џет скии на бродот. Обично ја ангажираат многу богати луѓе кои бараат луксузен одмор.