Човек го погоди гром додека играл игра во неговата дневна соба: И тоа е можно

Еден Британец минатиот понеделник итно бил префрлен во ургентен центар, откако бил погоден од гром додека играл игра во неговата дневна соба...

Ејдан Ровен играл на својата конзола PlayStation кога слушнал силен тресок, проследен со силна и болна сензација во неговото тело. Како што изјави: „Бев во двосед и играв игра каде што си улична мачка, кога слушнав гром надвор. Се слушна застрашувачка експлозија и татнеж, по што почувствував многу тешко чувство во целото тело и страшна топлина во десната рака“.

„Ми требаше околу една минута да ги вратам сетилата и се чувствував целосно збунето и изгубено. Се качив горе и ги замолив домаќините да ми дадат влажна крпа со образложение дека немам поим што се случило и само знам дека раката страшно ми гори. Ме прашаа каква смрдеа е и дали ја палам, по што ме префрлија во болница. Како што ми кажаа, додека ја гледаа, ми излегувале плускавци на раката“.

„Стигнав на рецепција каде што беше пренесено дека нешто се случило, но дека не сме сигурни што и дека има можности да се работи за удар на гром, по што сите се свртеа и ме погледнаа. Веднаш ме префрлија во итната медицинска помош, каде што лекарите констатираа дека ме удрил гром. Девет доктори од различни оддели дојдоа да ме прегледаат, ме поставија за електрокардиограм и ми направија тестови на крвта. Отпрвин, моето чукање на срцето беше опишано како непредвидливо, но кога прегледот се повтори по четири часа, бев слободен да си одам дома“.

За среќа, Ејден остана само со гребнатини и лузни на левата рака и изгореница, но како што вели, работите можеа да бидат многу полоши. Тој рече дека лекарите веруваат дека молњата удрила во површината на водата и прелетала низ прозорецот откако силната топлина ја направила земјата премногу тврда за да ја задржи дождовницата на нејзината површина.

Како што додаде: „Никој не можеше да ја процесира ситуацијата во тој момент“. По неколку дена се почна да ме засега психички и конечно сфатив дека можев да умрам. Моите пријатели беа многу загрижени, особено првите неколку дена, но потоа луѓето сфатија дека сум добро и после тоа почнаа шегите. Ова е последен пат кога играм игра со интересни мачки за време на бура“.