Човекот со 180 деца желен за бакнежи и прегратки: „Штом ќе допрам жена, таа останува бремена, велат нема поплоден од мене“

Досега веќе има 180 деца ширум светот, а гордо вели дека неговата мисија е да има повеќе од 2.500.

Пред три месеци „Џо Донор“ пристигна во Есекс, Велика Британија, од Вермонт, Америка. Џо го крие своето вистинско име и идентитет и вели дека е во мисија да помогне во зачнувањето на 2.500 деца ширум светот.

Џо е донатор на сперма и вели дека дошол во Британија за да им „подари на жените најголемиот и најубав подарок - дарот на мајчинството“. Тој се сретнал со три заинтересирани жени и вели дека две импрегнирал природно, додека третата избрала ИВФ со неговата течна сперма.

Џо вели дека кај него се можни и двете опции, а половина од досега родените деца се зачнати со природно оплодување. Медиумите во Велика Британија влегоа во бунило кога тој се појави и ги објави своите намери. Џо тврди дека не наплаќа за неговите услуги, но вели и дека жените често му ги плаќаат патните трошоци.

Иако во разговорите со медиумите се крие од јавноста, вели дека сите жени со кои работел имаат негов контакт и дека сите деца ќе можат да го најдат ако сакаат.

- Помагањето на жените да создадат нов живот е најдобриот подарок што можат да го добијат од мене. Секогаш сум подготвен да им помогнам. Откако дојдов во Англија, бев со околу 15 жени. Повеќето од нив избираат ИВФ - или затоа што се во врска или затоа што се хомосексуалци, но морам да кажам дека е поефективно кога се се прави природно. Навистина мислам дека имам голема среќа што можам да им помагам на жените и тоа ме прави среќен секој пат кога некоја жена ќе ми каже дека е бремена - вели Џо и додава дека во просек 10 жени почнуваат да работат со него годишно.

Досега Џо патувал низ Америка, Аргентина, Италија, Сингапур, Филипини и Обединетото Кралство за да ја донира својата течност.

- Луѓето кои планираат ИВФ често се загрижени за потенцијалниот инцест бидејќи ниту мајката ниту децата никогаш не се среќаваат со донаторите. Невозможно е тоа да се случи со мене - жените ме запознаваат и се во контакт со мене - вели тој и додава дека има список со сите негови деца и го споделува со сите жени, токму за да не дојде до потенцијален инцест. .

Својата „мисија“ ја започна во 2008 година и вели дека планира да продолжи да работи колку што може.

- Се е сосема безбедно - најмалку еднаш годишно правам комплетен систематски преглед, а го правам и по желба на жената пред оплодување - уверува тој.

Сепак, овој начин на живот има своја цена, бидејќи тој не може да има стабилна работа или да одржува љубовен живот.

„Секогаш треба да бидете подготвени во случај дама ненадејно да овулира - нема време за романса“, објасни тој.

Иако неговото патување беше исполнето, тој вели дека бил предмет на сурови коментари бидејќи многумина мислеле дека тоа го прави само за секс.

„Неизмерно ме боли кога критичарите велат дека донирам само како начин да имам секс. Можеби мислите дека, како природен донатор, често имам врски. Но, секогаш сум велел дека ако сакам многу секс, треба да имам девојка или да се оженам затоа што обично се среќавам со жени еднаш или двапати месечно затоа што спермата ми е исклучително ефикасна, ако имам среќа, запознавам жена еднаш или двапати и таа ќе забремени, а можеби нема да ја видам повторно или за година или две кога сака уште едно дете“, изјави Џо за What's The Jam.

На личен љубовен план, тој е осамен човек

„Јас сум многу осамен човек. Се откажав од сопствениот љубовен живот за да им помогнам на другите на овој несебичен начин, па дури и во оние ретки прилики кога има кратка врска, не добивам бакнеж или прегратка.

Добива критики на социјалните мрежи, а притоа и злонамерни: „Интернетот има начин да ги дехуманизира луѓето. Луѓето често ме навредуваат, пишуваат секакви коментари, а јас всушност правам хумана работа“.

Тој исто така призна дека неговата работа влијае на неговите финансии.

Наречен „најплодниот татко во Британија“, Џо запознал само 60 од 180-те деца на кои му се родиле со текот на годините.

И покрај предизвиците, Џо останува посветен на својата мисија да им помогне на жените да станат мајки.

Фото: ФБ