Чудата на Српскиот Острог: Манастирот Куманица, помогнал на православни и муслимани

Овој манастир е широко познат по лековитите чуда што се случиле во него, но и по обожавањето од страна на неправославните народи.

Манастирот Куманица го нарекуваат  „Српски Острог“ и има чести контроверзии околу тоа дали припаѓа на Србија или Црна Гора, со оглед дека се наоѓа на границата на двете држави.

Според една легенда, српскиот благородник што бегал од Турците, го оставил својот богат имот на своите кумови кои подоцна го изградиле овој манастир.

Вториот се однесува на Свети Григориј, кој, наводно, го подигнал овој храм, кон крајот на 13-ти и почетокот на 14 век, чии мошти се одмараат во Куманица. За него се верува дека бил српски просветител и архиепископ, но и дека припаѓал на лозата на Немањаќ.

Калуѓерките од овој манастир со години велат дека луѓето доаѓаат кај нив да се лекуваат, а заздравувањето е секогаш сигурно.

Манастирот Куманица требаше да биде срушен во моментот кога се градеше железничката пруга Белград- Бар. Сепак, поради легендарните приказни за него и бунтот на верниците, и православни и муслимани, тие не го допреа, и така денес пругите поминуваат покрај него.

Постојат разни приказни ко ги раскажуваат и мештаните и оние кои го посетиле и барале спас. Најчесто велат дека манастирот помага на оние кои немаат деца како и на тешко болните. Се верува дека исцелителната моќ на Св. Григориј прави чуда и дека помага само на оние кои со искрено срце ќе се помолат.