Спорт // Спорт

Чудесна приказна од Париз: Се врати од пензија за да му ја исполни желбата на синот и освои сребро

  • 30 Јули, 2024

Британците овој понеделник имаат фантастичен ден на Олимписките игри во Париз. Медалите продолжуваат да доаѓаат, а со сите успеси се издвојува Томас Дејли, кој го освои петтиот олимписки медал на петтите игри.

Томас Дејли и Ноа Вилијамс освоија сребро во синхронизирано нуркање од десетметарска кула. Не го одбранија златото од Токио, но и ова е огромен успех. Посебно ако се земе во предвид фактот дека Дејли по златото во Токио паузираше две години од тренинзите.

За Дејли Игрите во Париз се петти и многу веројатно последни во кариерата, а околу вратот го има и петтиот олимписки медал.

Првпат се испроба на Игрите на 14 години во Пекинг 2008 година, има три бронзи, едно злато и сега додаде едно сребро.


Ако некому не му беа доволни неговите спортски достигнувања, Дејли се најде во центарот на вниманието со видеа од Токио каде седи на трибините и - вреска. Истата снимка ја видовме за време на Игрите во Париз.

По златото во Токио, Дејли беше решен да ја заврши кариерата. И се отиде во таа насока бидејќи не тренираше две години.

Но, кога неговиот шестгодишен син сакаше да го види како се натпреварува - Дејли се врати во акција. Покрај сето тоа, Дејли го носеше и знамето на свеченото отворање.

Неговиот сопруг и двата сина го бодреа од трибините во Акватик центарот во Париз.


Дејли реши да се натпреварува само во синхронизирано нуркање од единаесеттата кула и со Вилијамс беше навистина брилијантен во сите серии.

Сè уште недоволно за златото, кое му припадна на совршеното кинеско дуо Јуни Лиан и Хао Јанг, додека Канаѓанецот Рајлан Виенс и Нејтан Џамбор-Мари ја освоија бронзата.


Можеби ќе ве интересира