Денес љуби 18 години помлада жена, а пред неа имаше бурен љубовен живот: Беше во брак 5 пати и беше вистински заводник
Актерот има десет деца со пет сопруги
Познатиот актер го држи рекордот по бројот на деца меѓу познатите татковци. Има десет наследници кои ги доби од пократки или подолги врски со пет жени.
Иако неговиот начин на живот ги уверуваше сите дека нема да се смири, тоа го направи во 2012 година кога имаше 50 години. Со својата свршеница, со која се смири, тој синоќа се појави на премиерата на филмот „Candy Cane Lane“ во Лос Анџелес. Бидејќи настанот беше полежерен од другите премиери, тој го замени и смокингот со спортско-елегантно издание.
Познатиот комичар е во врска со актерката речиси деценија и пол. Еди Марфи го дочека своето десетто дете во 2018 година, а второ со свршеницата Пејџ Бучер. Тогаш се роди нивниот син Макс, а двојката ја има и ќерката Изи (7). Инаку, актерот има 10 наследници со пет сопруги и не бил во брак со секоја од нив.
Со поранешната сопруга Никол Марфи ги има ќерката Брија (33), синот Мајлс (30) и ќерките Шејн (28), Зола (23) и Бела (21). Со Полет Мекнили го доби синот Ерик (33). Тој има син Кристијан (32) со Тамара Худ, и ќерка Ангел (16) со Мел Б.
И сега е време за раѓање на 11-то дете? Кога станува збор за Еди, тоа е многу веројатно. А ако тоа се случи, актерот ќе се изедначи со Чарли Чаплин по бројот на наследници.
Во меѓувреме, славниот комичар блесна од среќа минатата година на свадбата на ќерката Брија, која се омажи за актерот Мајкл Ксавиер. Свадбената церемонија се одржа во Беверли Хилс, Марфи ја одведе својата наследничка до олтарот, а потоа танцуваше со неа на песната „Isn't She Lovely“ на Стиви Вондер.
На свадбата присуствуваа 250 блиски пријатели и членови на семејството. А по церемонијата, познатиот актер и горд татко им се обрати на гостите и им посака добредојде.
„Мило ми е што луѓето можат да ја видат мојата голема ќерка. Јас сум горд татко, имав навистина среќа со моите деца. Тие се покажаа како добри луѓе“, рече Марфи, кој ја расплака толпата со овој говор.
Еди Марфи претходно нагласи дека неговите деца не се како одредени познати наследници кои растат во Холивуд, туку дека се приземни луѓе. Некој би рекол, обични луѓе во најпозитивна смисла.
Прашањето е дали Еди Марфи се смирил затоа што му здосадил животот на женкар или љубовта го променила. Тој изгледа прилично среќен покрај Пејџ, нели?
Извор: espreso.rs
