Денот во неделата кога луѓето се најсреќни
За да ги утешат саканите, многу луѓе често ќе им кажат дека „наутро се ќе биде подобро“. Научниците успеаја да докажат дека навистина е така.
Опсежната студија покажа дека утрото е период од денот кога луѓето најчесто се чувствуваат најдобро.
Истражувањето го потврди и она во што многу луѓе имаат тенденција да веруваат, а тоа е дека во летните месеци се чувствуваат посреќно и подобро отколку во зимскиот период.
Експертите ги анализираа податоците собрани од 49.218 возрасни лица како дел од социјалната студија на Универзитетот во Лондон (UCL) за Ковид-19, која ги следеше испитаниците од март 2020 до март 2022 година.
Резултатите покажале дека луѓето се разбудиле „се чувствувале многу добро, најдобро“, но до полноќ постепено се чувствувале полошо и полошо, за да кажат дека тогаш „се чувствувале најлошо“.
Научниците исто така откриле дека „постои поврзаност помеѓу доброто расположение и одреден ден во неделата, а тие имаат особено силни докази дека луѓето се чувствуваат подобро и психички и физички во текот на летото“.
Резултатите од истражувањето британските научници ги објавија во стручното списание BMJ Mental Health, со заклучок: „Генерално, работите изгледаат подобро наутро“.
Британските истражувачи веруваат дека студијата покажала како промените во менталното здравје и благосостојбата во текот на денот може да се објаснат со физиолошки промени поврзани со телесниот часовник.
„Кортизолот или хормон чија најважна задача е да обезбеди доволно енергија во моментите на интензивен стрес бидејќи го регулира расположението, мотивацијата и стравот, го достигнува својот врв веднаш по будењето, а неговото ниво е најниско кога е време за спиење“, заклучуваат тие.
Најсреќни во вторник
Научниците забележале и дека менталното здравје на повеќето од испитаниците е подложно на промени за време на викендот, но работите станале постабилни до недела.
За целите на студијата, научниците ги следеа флуктуациите во менталното здравје на учесниците во студијата (на пример, симптоми на депресија и/или анксиозност), флуктуации во чувството на среќа, задоволство од животот, чувства дека животот вреди да се вложи труд и флуктуации во чувството на осаменост.
Испитаниците одговараа на понудените прашалници кои содржеа прашања како што се: „Колку се чувствувавте среќни минатиот викенд?“, „Колку сте задоволни од вашиот живот?“ и „До кој степен сметаш дека вредат работите што ги правиш во животот?“
Беа земени предвид факторите како возраста, здравствената состојба и дали луѓето биле вработени.
Резултатите покажаа дека оценките за среќа, задоволство од животот и значајноста на животот биле повисоки во понеделник и петок отколку во недела. Притоа, се покажа дека испитаниците одговориле дека се најсреќни во вторник.
