Филмот со Бред Пит за Формула 1 влегува меѓу 10-те најскапи во историјата

Најновите информации сугерираат дека не се штедело за создавање на нов филм во Формула 1.

Речиси две години откако медиумите објавија за новиот филмски спектакл на тема Формула 1, дознаваме и некои новости. Тогаш дознавме дека Бред Пит ќе биде во главната улога, а филмските права ги купи Apple. Филмот ќе го режира Џозеф Косински, режисерот на Топ Ган: Маверик, а главни продуценти ќе бидат Џери Брукхајмер и седумкратниот Ф1 шампион Луис Хамилтон.

Brad Pitt's new F1 movie budget has reportedly surpassed $300 million, potentially making it one of the most expensive films ever made pic.twitter.com/eNL4QFkSjI

— ESPN F1 (@ESPNF1) May 11, 2024

Тогаш се споменуваше буџет од значителни 140 милиони долари. Последната вест е дека трошоците се драстично зголемени. Имено, последните информации велат дека буџетот надминал 300 милиони долари, со што овој филм за Формула 1 е еден од десетте најскапи филмови во историјата.

Филмот зборува за пензиониран возач (Бред Пит) кој излегува од пензија и се натпреварува против најсилниот во тимот со млад возач.

ФОТО: Твитер