ФОТО: Бојан Миовски нов играч на Абердин, потпиша договор на четири години

Бојан Миовски следните четири години ќе биде играч на  Абердин од Шкотска.

Абердин го потврди договорот со македонскиот напаѓач и член на репрезентацијата.

Миовски од  МТК се сели во Шкотска, за унгарскиот тим запиша девет гола на 22 натпревари.

„ Подолго време   го следиме Бојан,  имаше  голема конкуренција за да го обезбедиме неговиот потпис. Тој е напаѓач со одлични квалитети,  има темпо, моќ и фантастично движење, Миовски одговара на профилот на напаѓач што го посакувавме, утре ќе наполни 23 години, многу е  ценет во националниот состав на Македонија, која несреќено не успеа да се квалификува за Светското првенство во Катар оваа година“ – објави Абердин.