ФОТО: Дибиров официјално играч на Загреб, прва изјава за новиот клуб по заминувањето од Вардар

Тимур Дибиров од денес е играч на Загреб, тоа што беше предмет на шпекулации, доби потврда, Русинот го напушти Вардар и има нов предизвик.

По девет сезони во Вардар, каде го доби статусот на легенда, и еден од најомилените играчи кај навивачите, Дибиров по проблемите на црвено-црните од финансиска природа се реши да се пресели во Загреб.

„Среќен сум што дојдов во Загреб, клуб со богата историја и традиција, од чии редови потекнале многу големи имиња на хрватскиот и европскиот ракомет. Очекувам големи работи и знам дека ќе дадам максимумза да оствариме добри резултати. Со некои од новите соиграчи имав играно и претходно, како Борозан и Чупиќ, со дел сум бил противник на теренот, а со останатите допрва ќе се запознавам. Имаме екипа која има што да каже сезонава и многумина пријатно ќе изненадиме“, изјави Дибиров за клупскиот сајт на РК Загреб.