ФОТО: Шкупи не е атрактивен за македонските телевизии, нема пренос од дуелот со Динамо Загреб

Шкупи утре му гостува на Динамо Загреб, квалификации за Лигата на шампионите, средбата на „Максимир“ се игра со почеток од 21 часот.

Пренос од дуелот на македонскиот и хрватскиот шампион засега не е предвиден на ниту една национална телевизија во Македонија, вклучително и на државната МКРТВ.

Ова значи дека сите кои сакаат да го гледаат дуелот на Динамо и Шкупи од Загреб, ќе мора да се снаоѓаат, бидејќи досега никој од нашите телевизии не покажа интерес да обезбеди пренос.

Во Хрватска, фудбалскиот шампион ќе се гледа на државната ХРТ2, но оваа ТВ во Македонија ја нема во понудата на кабелските оператори.