ФОТО: Во Хрватска паника, нема ТВ пренос од дуелот Шкупи -Динамо Загреб, а нема ни за македонските гледачи?

Шкупи во вторник (21.00 часот) го пречекува тимот на Динамо Загреб, реванш во Лигата на шампионите, квалификациите се важни за шампионот на Хрватска кој не ја оправда фаворитската улога против првакот на Македонија.

Првата средба заврши со 2-2, хрватската спортска, и пред сè фудбалска јавност во паника, засега нема потврда кој ќе го пренесува реванш дуелот кој „живот значи“ за Динамо Загреб, пишува „Јутарњи“.

Првиот натпревар го емитуваше државната ХРТ за територијата на Хрватска, во Македонија немаше пренос, интересот беше никаков од националните телевизии, а Шкупи ТВ правата ги продаде на Суперспорт од Албанија. Сега во Хрватска има паника, националниот сервис (ХРТ) нема обезбедено права, а сè уште не се знае дали некој ќе емитува пренос од мечот во Скопје.