Гал Гадот гази: „Wonder Woman 1984“ со огромна заработка

Ова е најголемата заработка во киносалите низ Северна Америка од првите затворања на почетокот од ширењето на COVID-19. 

Имено, Филмот „Wonder Woman 1984“ со Гал Гадот заработи 85 милиони долари на глобално ниво, објавија од Warner Bros., а сега ги потврдуваат плановите и за трет филм.

Се проценува дека 16,7 милиони долари се заработени само од прикажувањата во киносалите низ САД и Канада во текот на празничниот викенд, пренесе AP.

.Исто така, филмот го гледаа милиони луѓе во своите домови бидејќи беше достапен преку HBO Max.

Од Warner Bros. најавија трет „Wonder Woman“ филм со Пети Џенкинс како режисерка и Гал Гадот во главната улога.

„Wonder Woman 1984 ги надмина очекувањата и постави рекорд низ светот со големата гледаност и достапноста во првите 24 часа од прикажувањето во текот на празничниот викенд, а гледаноста ќе продолжи и по празниците. Во овие тешки времиња, беше навистина добро да им дадеме на семејствата опција за уживање во филмот додека луѓето се во нивните домови, кога веќе киното не е толку можна опција“, стои во објавата на студиото, а што се покажа и како добра бизнис опција.