Ги изгубил родителите на железничка станица: Одведен е во сиропиталиште, посвоен е на другиот крај од светот – 30 години не знаел каде е неговата родна куќа

Животната приказна на Гуминг Мартенес, момче од Кина кое доживеа несекојдневно искуство, инспирираше многумина. Имено, еден ден се изгубил на железничката станица. Сепак, 30 години подоцна успеал да ги најде своите родители.

Фактот што момчето на четиригодишна возраст се изгубило на железничката станица му го променило животот засекогаш. Неговите родители никогаш не го нашле, па го однеле во сиропиталиште. Поминал некое време таму, а потоа едно семејство од другата страна на светот му дало дом. Неговите посвоители никогаш не го криеле фактот дека тој е посвоен и го поддржувале да си го најде семејството. А потоа, по 30 години, Гуминг Мартенс конечно ги пронајде своите родители.

Како се случило сето тоа?

Во 1994 година, тој ја напуштил кинеската провинција Џиангсу со своите родители во родниот град на неговата мајка во провинцијата Сечуан. Никогаш не стигнал до целта, бидејќи во еден момент бил сосема сам на железничката станица.

Момчето завршило во полиција каде се обиделе да трагаат по семејството, но безуспешно. Откако извесно време не успеал да ги пронајде своите родители, момчето било однесено во сиропиталиште и посвоено од холандска двојка, Јозеф и Марија Мартенс, во 1996 година.

Момчето потоа го нашло својот дом во Холандија. Неговите посвоители го крстиле и му дале име по името што го имал и во сиропиталиштето, Гоу Јонгминг.

Кога станал доволно возрасен му рекле дека е посвоен, а потоа почнала потрагата по неговото семејство. Во таа борба, која траела 12 години, најголема поддршка му биле токму родителите кои го воспитувале.

Тие заедно ја посетија Кина во 2007 година за да ги најдат неговите родители. Го посетиле домот за деца без родители каде што бил, но немало никаква трага од него бидејќи домот за деца без родители бил затворен.

Следните пет години Гуминг ги поминал повторно учејќи кинески и ја посетил Кина уште три пати за време на студиите. Во 2012 година, тој ги регистрирал своите информации во волонтерското здружение Baby Huijia во градот Тонгхуа, кое помага повторно да се обединат разделените членови на семејството.

Отприлика во исто време ги завршил студиите на Универзитетот во Лајден во Холандија. Гоуминг потоа се преселил во Канада каде што дипломирал на Универзитетот Мекгил со диплома по лингвистика. Во моментов работи како експерт за препознавање говор со вештачка интелигенција во Канада.

И токму кога мислел дека никогаш нема да го најде своето семејство, колку и да се труди, во октомври минатата година, волонтери го известиле дека ја усогласиле неговата ДНК со жена по име Вен Ксуронг.

Кога клопчето почнало да се отплеткува, сфатиле дека семејството сака да го најде својот изгубен син, а не дека намерно го напуштиле, како што се мислеше дотогаш. За жал, таткото на Гуминг починал во 2009 година.

Откриен е благодарение на примероците од ДНК. Имено, неговиот брат Гао Ксијанџун побарал од мајка му да ја регистрира неговата ДНК во полиција во 2017 година.

Откако било потврдено совпаѓањето со ДНК, Гуминг повторно се сретнал со својата мајка во февруари оваа година. Го посетил гробот на својот татко во Џиангсу и ги запознал неговите полубраќа и сестри, тетки и чичковци.

Неговиот вујко дури му ги предал парите што татко му ги добил за уривањето на неговата куќа пред повеќе години и му ги чувал повеќе од една деценија. Откако започнал успешна кариера во Канада, Гаминг рекол дека планира да ја посетува Кина барем еднаш годишно за да се види со своите роднини, со кои сега е во добри односи.

Фото: Принтскрин
Извор: Kurir.rs