Го продаде целиот имот за да се ослободи од физичките сретства: Ова е последната куќа која Илон Маск ја продава

Вилата беше единствениот преостанат дом во богатото портфолио на милијардерот.

Изгледа дека Илон Маск го исполнува своето ветување дека „не поседува куќа“. Минатата година, извршниот директор на SpaceX објави на Твитер дека ќе го продаде целиот свој недвижен имот во обид да ги ослободи „речиси сите физички средства“. Тој ги продал своите четири резиденции во Бел Ер за 62 милиони долари, а сега Маск наводно е на прагот да се раздели со последниот имот во неговото портфолио: вилата во областа Сан Франциско, која била последна на продажната листа за 32 милиони долари. 

Маск првично ја продаваше својата куќа од 1.600 квадратни метри минатата година за 35 милиони долари, сума што ќе му донесе значителен профит, бидејќи ја купи за 23,3 милиони долари во 2017 година, според достапните податоци.

Историската резиденција првично била изградена околу 1912 година. Дизајнирана е од архитектонското биро Bliss & Faville. Оттогаш е реновирана за да ги исполни современите стандарди - големата сала за танц, трпезаријата и кујната се реновирани.

Вилата има седум спални соби и седум бањи и се наоѓа на пространа парцела од 47 хектари. Во трпезаријата има „скриена“ коктел соба до која може да се пристапи преку модуларен ѕид со полици. Други погодности вклучуваат визби за вино и виски, како и посебен простор посветен на цветни аранжмани. Во меѓувреме, главната спална соба има сопствен камин, два плакари и две бањи - едната со самостојна када.

Надворешноста е подеднакво импресивна. Во дворот има базен и павилјон за забава, со посебна гаража за три автомобили.

Значи, каде живее Маск сега?

Во јуни, тој на Твитер објави дека моментално живее во стан кој плаќа 50.000 долари месечно во Бока Чика, во близина на кампусот на SpaceX.

Погледнете повеќе фотографии од резиденцијата на Илон Маск во областа Сан Франциско во галеријата.