ГОЦЕ ГОЛОМЕИЌ ОД РАГУЗА ГРУП: „ЕДЕН ОД КЛУЧНИТЕ ФАКТОРИ ВО ВОДЕЊЕ БИЗНИС Е ИНВЕСТИРАЊЕ ВО РАБОТНА СИЛА“

Од своите скромни почетоци до денес, како реномирана групација на угостителски објекти, РАГУЗА ГРУП слави 30 години постоење. Во текот на изминатите три децении, групацијата континуирано еволуираше и  се соочуваше со предизвици, носејќи нови и возбудливи искуства за своите клиенти. Со Гоце Голомеиќ, еден од сопствениците на РАГУЗА ГРУП, зборуваме за  непоколеблива посветеност во бизнисот, времепловот на РАГУЗА ГРУП,влијание врз заедницата и визијата за иднината.

Кога ќе погледнете назад од почетоците до сега, колку РАГУЗА ГРУП еволуираше изминатите 30 години?

Инспиративната приказна на РАГУЗА ГРУП започнува со МИРКО 919, а од тогаш до денес морам да признам дека групацијата доста еволуираше. Тоа некако доаѓа природно како поминуваат годините. Сметам дека денес од посебно значење е следењето на трендовите. За нас како менаџмент тоа е многу важно и ни овозможило да останаме релевантни на пазарот со цел задоволување на потребите на нашите клиенти. Сите овие години постојано го истражуваме пазарот, ги следиме новостите и случувањата во угостителската индустријата.  Угостителите мора да бидат подготвени да се прилагодат на овие промени.Исто така, морам да нагласам дека во денешно време еден од најклучните фактори во водењето бизнис е инвестирање во работната сила.  

Кога веќе ја споменавте работната сила, колку е значајно за еден бизнис да има добар тим на вработени?

Вработените се столбот на секој бизнис. Со континуирано обезбедуваме услови за постојан развој на вештините на нашите вработени, е клучот на нашиот успех. Нашите вработени се наша најголема конкурентска предност на пазарот. Еден од нашите приоритети е постојано да ги унапредуваме перформансите и експертизата на нашите вработени.  Времињата се доста променети. За разлика од некогаш, денес е доста важно да се обезбедат можности за учење и раст на вработените, создавање позитивна работна средина и систем на наградување. Нашата групација има неверојатен тим на професионалци, а секој од нив има посебна улога во растот на РАГУЗА ГРУП. Нашиот татко секогаш велеше дека клучот за успешен бизнис е да се има добар тим вработени и тоа со сигурност можам да го потврдам. Ние сме сите едно големо семејство и многу сум горд на тоа.

Што значи да се води бизнис во угостителска индустрија?

Започнувањето бизнис во угостителска индустрија е предизвик и бара многу напорна работа и посветеност. Угостителските места  мора да имаат јасно разбирање за нивниот целен пазар, да развијат уникатен концепт што ќе ги разликува од нивната конкуренција и да се прилагодат на потребите и желбите на потрошувачите. Во последниве години, ресторанската индустрија забележа значителни промени, особено поради пандемијата со Ковид-19.  Такви непланирани ситуации бараат подготвеност во секое време. Генерално, иако ресторанската индустрија може да биде предизвикувачка, за оние кои се страстни за храна и гостопримство, и се подготвени да вложат напорна работа за да успеат, водењето на угостителски бизнис е задоволство.

Кои се идните планови на РАГУЗА ГРУП?

Нашата групација во наредниот период се шири во една друга индустрија, односно градежништвото со нашите два нови проекти, „Рагуза Хоум“ и „Мамут“. Проширувањето во нова индустрија е значаен потфат и бара внимателно планирање и разгледување. Меѓутоа, со темелно истражување и анализа на пазарот, добивате јасна слика за предизвиците и можностите на оваа нова индустрија. Инвестирањето и новите предизвици ќе ни помогнат да останеме конкурентни и релевантни на пазарот кој постојано се менува.

 Рагуза Груп и понатаму ќе остане фокусирана да ги следи трендовите и да овозможи модерни трендовски услови за реализација на настани од секаков вид кои што можат да се мерат рамо до рамо со глобалните новитети во светот на угостителството.

Доследни на безвременското визионерство, Рагуза Груп продолжува.