Има седум деца, а за тоа еден момент бил пресуден во животот на режисерот: Кои се наследниците на Стивен Спилберг и што работат?

Покрај тоа што е автор на многу светски познати филмови, Стивен Спилберг е татко на седум деца. Иако понекогаш е тешко да се живее во сенката на популарниот татко, неговите деца полека градат свои места во филмската индустрија и пошироко.

Дали знаевте дека Стивен Спилберг, покрај тоа што е еден од најуспешните американски режисери, трикратен оскаровец и финансиски најуспешен режисер во историјата, тој е и татко на седум деца?

Првиот син го доби во брак со Ејми Ирвинг, а другите деца со Кејт Капшо, актерката најпозната по улогата во филмот „Индијана Џонс и опседнатиот храм“.

Сè до режијата на филмот „Е.Т.“ не ни размислувал за деца, но тоа искуство му ги отворило очите.

„Ми падна на памет дури на половина од „E.T.“: Јас бев родител во тој филм. Буквално се чувствував како да сум многу заштитнички настроен кон Хенри Томас и Мајк Менкотон и целата моја екипа, а особено кон Дру Баримор, која имаше само шест години. И почнав да размислувам: „Можеби ова ќе биде мојот вистински живот еден ден“. Тогаш првпат ми падна на памет дека можеби можам да бидам татко. А можеби режисерот на некој начин е татко или мајка... Навистина чувствував дека тоа ќе биде моја голема продукција“, изјави Спилберг.

Неговиот најстар син е Макс Спилберг, а е роден во 1985 година. Спилберг и Ирвинг спогодбено се разведоа во 1989 година и го поделија старателството над нивниот син. Макс е дел од филмската индустрија, а познат е како графички дизајнер и работи во уметничкиот оддел за развој на неколку видео игри. Тој исто така работеше на краток филм наречен „Snap Shot“, кој беше објавен во 2012 година.

Откако ја запознал својата втора сопруга, тој станал татко на неговите деца: Џесика и Теа.

Џесика Капшоу тргна по стапките на мајка си и стана актерка. Таа глуми во театар, а нејзината најголема и најзапаметена улога е во популарната докторска серија „Вовед во анатомија“ во која 10 години ја играше педијатарот Аризона Робинс.

Подоцна, Стивен и Кејт Капшо добија уште четири деца.

Ќерката Саша е родена во 1990 година, таа свири музика со нејзиниот постар брат Тео. Синот Соер, исто како и неговата мајка, се занимава со глума. Подоцна парот ја посвоил ќерката Микаела, која го признала својот проблем со зависноста од алкохол, но таа успеала да се извлече, а денес се занимава со танц.

Најмладата ќерка Дестри Алин Спилберг се занимава со манекенство, а е под договор со популарната американска компанија DT Model Management. Покрај модата, Дестри се труди да се пласира и во филмскиот свет: „Признавам дека сум родена со привилегија! Мојата мисија е да донесам нови таленти во индустријата и да им дадам шанса. Никој не треба да биде изоставен поради врските што ги нема“, рече таа откако беше обвинета дека избирала актери врз основа на познанства.

Фото: Youtube - screenshoot