Имаше два брака, а штотуку го „скроти“ 23 години помлада од него: Најголемиот турски актер и заводник ја пронајде вистинската љубов во неа
Актерот Озџан Дениз мораше да помине низ два брака за конечно да се смири со третата сопруга, 23 години помлада од него, во која ја гледа вистинската љубов.
Турскиот актер привлекува внимание со улогите во познатите серии, а особено интересен е неговиот љубовен живот.
Дениз ја освои публиката со улогите во сериите „Истанбулска невеста“ и „Судбина“. Велат дека е еден од најсексапилните актери од истокот, со тоа што е и пејач, сценарист и режисер.
За Дениз особено се зборуваше кога се дозна во кого е заљубен. Него го освои 23 години помлада убавица.
Нејзиното име е Самар и е дизајнерка по потекло од Иран.
Двајцата се заедно од почетокот на 2021 година, а се венчаа на крајот на јануари 2023 година.
Тогаш Самар испрати емотивна порака на социјалните мрежи заедно со фотографија од венчавката.
„Те избирам тебе и ќе те избирам повторно и повторно, без пауза, без сомнение, во еден миг. Ќе продолжам да те избирам во сто животи и сто светови и во секоја верзија на реалноста би те нашла како мој сопруг .
Пред Самар, Дениз беше во брак и со актерката и модел Фејза Актан, со која има син.
Двајцата имаа прилично тежок развод и се разделија по само 15 месеци.
Пред тоа, Дениз се ожени уште еднаш. Првиот брак му беше со Хандан Дениз, од која официјално се разведе во 2003 година.
"Хандан е исклучителна актерка и таа беше партнерката со кој најдобро се согласував. Поминавме многу години заедно, таа ми беше голема поддршка, како и јас за неа. Едноставно нашите животи тргнаа во различни насоки, и покрај Тоа што веќе не сме во брак, многу ја ценам“, истакна тој еднаш.
Озџан Дениз е роден на 19 мај 1972 година во Анкара, во семејство со курдско потекло од Агра. До својата петта година живеел во Анкара, а во 1977 година со семејството се преселил во Ајдин, каде ги поминал детството и раната младост.
За време на школувањето пишувал раскази кои ги претворил во театарски дела и ги обиколувал околните места заедно со аматерската театарска група што ја основал со своите пријатели. Набрзо го открил својот талент за музика. Првиот оркестарски настап го има во Ајдин во 1985 година, по што стана познат и баран солист. Заминал во Истанбул во 1988 година, а следната година во Германија, каде што ја продолжил својата музичка работа. Набрзо го привлече вниманието на продуцентите во Минхен.
Како што одминуваше времето, тој стануваше сè поуспешен и музички и како актер, а особено се истакна со серијата „House of the Vine“ во 2002 година.
Денес е еден од најпопуларните турски актери и се уште велат дека е меѓу најголемите заводници.
Стил/Задоволна
