Како Аладин ја запроси неговата Смиљана: 12 години летаат на тепихот на љубовта

Еден од најдобрите македонски актери и стендап комичари Сашко Коцев на денешен ден пред точно 12 години, го кажа судбоносното „Да“ и стапи во брак со Смиљана Бундевска. Иако Сашко успешно го криеше приватниот живот, јавноста беше изненадена кога на манифестацијата „Златна Бубамара“ на посебен начин, пред целиот македонски аудиториум во улога на Аладин, ја запроси својата долгогодишна девојка.

Свадбената церемонија се одржа во „тајност“ во Куршумли Ан, а многу македонски познати личности кои беа дел од истата, и денес спомнуваат за свадбата која ја паметат до половина, како што напиша Кристина Арнаудова.

Инаку, пред нешто повеќе од 6 години, во ноември 2017 година, Сашко Коцев ја доби најважната улога во животот, тој и Смиљана која е доктор на науки ја добија ќерката Јоана.