Како да сте во вселенската станица над планетата, но ова е на земјата: Каква вила

Иако е изградена во 1992 година, оваа вила во Малибу изгледа навистина пофутуристички отколку како нешто што потекнува од минатиот век

Покрај тоа, најчесто се споредува со Меѓународната вселенска станица. Структурата на стакло и челик е создадена како дело на познатиот архитект Едвард Нилс, познат по создавањето на масивни куќи со еклектичен облик користејќи ги токму тие материјали. Можеби не е по сечиј вкус, но дефинитивно е уникатно.

Сместена во планините на Санта Моника, во близина на брегот на Пацификот, оваа вила има неверојатен поглед на океанот од својата полукружна дневна соба. Благодарение на изобилството на стаклени елементи, исполнета е со природна светлина и изгледа уште попространо, додека во овој дел има и кујна, со гаража на нивото подолу.

Мостот ја поврзува дневната соба со остатокот од живеалиштето, кој се наоѓа на пет метри над земјата и е направен од индивидуални „чаури“. Внатре во поприватниот дел има четири спални соби и четири бањи, додека главната спална соба го зафаќа главниот дел и добива максимално уживање во горниот поглед. Исто така, поседува отворен дел за седење, вградена гардероба и главна бања со приватна тераса. На самиот врв на терасата, своето место го наоѓа џакузито, кое нуди панорамски поглед на целиот имот, околниот пејзаж и океанот. Во ова крило на вилата има втора спална соба, фитнес студио и посебно студио.

Целокупната структура се наоѓа на два хектара земја, и е дизајнирана да издржи на сеизмичката активност и да користи алтернативни типови на енергија, поради што е опремена со соларни панели. Совршено уреден двор и базен се исто така дел од оваа приказна.

Според „Волстрит журнал“, овој дом се гради веќе пет години, така што секој агол од него е беспрекорен. Архитектот Нилс поминал месеци барајќи посебен вид челик што му бил потребен за да ја изгради главната спална соба, но неговиот напор секако се исплател.