Ќе биде ли Македонија помеѓу 5-те најгледани и лајкувани земји?! Хрватскиот виолончелист Стјепан Хаусер со емотивна изведба на „Јовано, Јованке“ (ВИДЕО)

Хрватскиот виолончелист Стјепан Хаусер кој беше дел од популарното дуо 2 Celos на неговиот инстаграм профил објави видео со македонската песна „Јовано, Јованке“.

Тој започна проект насловен „Музиката го обединува светот“ и свири препознатливи песни од земјата која ја одбрал. Досега објавени има објавено 18 видеа, од исто толку земји.

„Подгответе се за најголемата музичка кампања на сите времиња!!! МУЗИКАТА ГО ОБЕДИНУВА СВЕТОТ. Да видиме кои 5 земји ќе бидат најгледани, лајкувани и коментирани, кои топ 5 земји ќе имаат најголеми импресии!!! Ајде да видиме кој народ е најгласен и најгорд“, вели Стјепан за време на најавата на неговиот предизвик.

До објавата на нашата информација видеото на кое во позадина се вее македонското знаме, а Сјепан ја свири „Јовано, Јованке“ има собрано 18,644 лајкови.

„Магично! Емотивна изведба на една од најубавите љубовни песни, покажувајќи ја сложеноста на ритмите и, во овој случај, убавината на 7/8 такт временски потпис неразделни од овој душевен дел од светот. Благодарам, маестро!“, е еден од коментарите на видеото.