Класичната машка мода полека изумира: Сè повеќе ги зазема контурите на жените и обратно
Кога станува збор за машката мода и елеганција, мора да
признаеме дека ситуацијата во светот на дизајнот се промени на некој чуден начин
во изминатите неколку години…
Вистинската елеганција, костим со беспрекорен крој што одговара како кроен за вас, елегантни чевли изработени од најубава кожа, совршено бели кошули нагласени со вратоврска од рафинирана свила, се заменети со модерни и урбани верзии, кои предизвикуваат негодување кај многу обожаватели на тој оригинален стил.
На работ на андрогинија, машката мода се повеќе ги зема контурите на жените и обратно, создавајќи на некој начин недефинирани парчиња ткаенина, кои паѓаат како што сакаат, изгледаат излитени и истрошени кога се само купени и ја изразуваат својата моќ и став на лицето што ги носи со неонски отпечатоци., недовршени рабови, дупки и необични нијанси.
Сепак, ситуацијата не е толку црна за љубителите на класиката - иако има само неколку модни дизајнери кои можат да ја преземат титулата маестро, тие сепак не‘ воодушевуваат со нивните нови понуди, кои претставуваат модерна интерпретација на се‘ што веќе сме виделе и сакале. Човек во костум што му одговара како да е сошиен за него е глетка која ве остава без здив, мами погледи и коментари и остава впечаток на моќ која е неопислива.
Барем ни се чини дека тоа беше случај со најновата колекција Giorgio Armani Made to Measure, која штотуку доби своја кампања. Уметничките кроеви на традиционалниот италијански бренд се најдоа во центарот на вниманието на новата кампања, на која работеше Џулио Рустичели. Моделите Дони Луис и Доминик Мелкиор изразуваат со природна софистицираност во костумите на Џорџо Армани.
Моделите служат како вистинска визија за елеганција во парчиња, кои го нагласуваат „богатството на прилагодена изработка“. Рустичели ги нагласи класичните елементи на човекот.Комбинацијата на црно - бели портрети и оние во боја, совршено ни кажуваат дека класиката никогаш нема да излезе од мода.
Извор и Фото: Fashionisto
