Кој е Виктор Орбан: Игра фудбал со страст

Поради неговиот силен став кон мигрантите, Виктор Орбан е еден од најконтроверзните лидери во Европа.

Со коментари од типот дека мигрантската криза е „германски проблем“ и дека Унгарците имаат право да не „живеат заедно со муслимани“, тој предизвика силни критики од европските политичари.

Орбан долго време ги разгневуваше странските колеги со контроверзната политика, вклучително и блиските врски со Русија.

И покрај тоа што беше на чело на најсилната влада на Унгарија од падот на комунизмот, посветеноста на Орбан кон демократските принципи и економскиот развој долго време беше доведена во прашање.

Г-дин Орбан го привлече вниманието како млад адвокат кој на 16 јуни 1989 година побара повлекување на советските сили од Унгарија и побара слободни избори.

Според официјалната биографија објавена на веб-страницата на премиерот Орбан, во тоа време тој бил основач на Федерацијата на млади демократи, која подоцна, предводена од Орбан, ќе стане Унгарскиот граѓански сојуз (ФИДЕС), владејачката партија во Унгарија.

Тој беше избран за премиер во 1990 година, означувајќи го почетокот на транзицијата на Унгарија кон повеќепартиска демократија.

Три години подоцна, Орбан ја смени идеолошката ориентација на ФИДЕС надесно и на изборите во 1998 година стана премиер на чело на централно-десничарската влада.

Истата влада ја однесе Унгарија во НАТО и успеа да ја намали инфлацијата во земјата, одржувајќи го економскиот раст.

Неговата репутација беше нарушена од аферите за корупција и имиџот на „деструктивен фактор“, така што по првиот мандат, тој заврши во опозиција, каде ќе ги мине следните осум години.

Роден е на 31 мај 1963 година, во малото унгарско село Сексфехеварвар

Студирал право на Универзитетот во Будимпешта, а подоцна и историја на британската либерална филозофија на Универзитетот во Оксфорд.

Тој е еден од основачите на Унгарскиот граѓански сојуз (ФИДЕС)

Премиер на Унгарија 1998-2002 и 2010 година до денес

Оженет, татко на пет деца

Тој игра и го следи фудбалот со страст

Политичките аналитичари го опишуваат Орбан како популист. Британското списание „Економист“ го прогласи за „политичар од дното“, осврнувајќи се на „циничниот популизам и авторитарниот стил на управување“ на Орбан.

Играњето со левиот политички спектар служеше за една цел, а во 2010 година, ФИДЕС на Орбан, заедно со Демохристијанската партија, го освоија мнозинството и се вратија на власт.

Орбан тогаш рече дека победата од две третини претставува „желба на Унгарците да го затворат пост-комунистичкото поглавје“.

Некои го опишуваат како прагматичен политичар, додека Орбан вели дека се смета себеси за некој што води стабилна и силна политика и се бори против бирократијата, истовремено зајакнувајќи ја индивидуата и неговиот придонес кон општеството.

„Виктор“

Наскоро се посвети на уставните и финансиските реформи, што ги налути неговите противници.

Поддржувачите велат дека тој воведе долгоочекувани промени, како што е забрана за предвремено пензионирање, како и закон што го направи системот на социјална заштита потранспарентен.

Сепак, критичарите ја обвинуваат владата на Орбан дека спроведува контроверзна политика на сите полиња, од економија до религија.

Во декември 2011 година, парламентот го одобри контроверзниот изборен закон со кој се преполови бројот на пратеници и се воспоставија нови уставни граници. Опозицијата потоа го критикуваше законот, наведувајќи дека тој ги сврти работите во корист на партијата ФИДЕС на Орбан.

Законот за централната банка беше донесен на 30 декември 2011 година, и покрај предупредувањата од Европската унија и ММФ, кои предупредуваа дека законот сериозно ќе ја наруши независноста на ова тело.

Овој закон стана централен камен на сопнување во преговорите за спасување на Унгарија од кризата.

Европската комисија започна правен процес против унгарската влада поради реформата на Централната банка, заштитата на личните податоци и правдата.

Уставниот суд на Унгарија го поништи контроверзниот закон за избори со образложение дека тој ги негира правата на гласачите.

Предизвиците на Орбан

Следуваа повеќе протести. Десетици илјади луѓе демонстрираа поради врските на Орбан со Русија и обвинувањата за корупција.

Во 2014 година, унгарската влада одобри договор вреден 10 милијарди евра за изградба на два нови реактори во нуклеарната централа Пакс.

Орбан продолжи да ги критикува санкциите што Европската унија и ги воведе на Русија поради кризата во Украина.

Орбан е запаметен и по оградата од 175 километри што ја изгради на границата со Србија - уште еден обид за демонстрација на сила и моќ.